Мартин Брајтвајт еден ден ќе може да им раскажува на своите внуци како на времето играл 9-ка во Барселона во напад со Лионел Меси. А пустиот, ни крив ни должен, случајно дојде на Камп Ноу.

Главна тема во светот на спортот летово е желбата на Лионел Меси да замине од Барселона после цели 20 години. Аргентинецот уште не отиден од Камп Ноу, а веќе ја бараат неговата бројка на дресот. Комично.

По долги натегања, Барселона конечно го искористи чудното правило на шпанската фудбалска федерација, еден тим кој има играч повреден повеќе од 5 месеци, да може да купи друг играч надвор од зимскиот преоден рок. Се решија за Мартин Брајтвајт, Данец, кој дојде од Леганес за 18 милиони евра. Ама не се прослави на промоцијата.