Единствениот македонски олимпиец кој не потфрли и го даде својот максимум на Олимписките игри во Лондон, атлетичарот Кристиан Ефремов најавува уште подобри резултати и пласман помеѓу најдобрите 16 на следните Олимписки игри во Рио 2016.

Конечно еден македонски спортист кој не разочара во Лондон. На осмиот натпреварувачки ден на Олимписките игри настапи и атлетичарот Кристиан Ефремов кој на трката на 400 метри постави нов личен рекорд.

Македонските олимпијци со нивниот пласман на едно од последните места, отсекогаш се мета на исмејување, а посебно оваа година кога Македонија праќа рекордно мал број на спортисти и тоа ниту еден со исполнета норма. Но дали некој се запрашал зошто е тоа така?