За време на целовечерните преговори околу Грција на 12-ти и 13-ти јули, пукна нешто суштинско околу Европската Унија. Од тогаш, Европејците живеат во поинаков вид на ЕУ, пишува Јошка Фишер.

На човек може само да му биде жал за Грција. За повеќе од 5 години, тројката (ЕК, ЕЦБ, ММФ) ја претвори земјата во предмет на неуспешен експеримент со штедење кој само ја влоши економската криза. И сега владата на премиерот Алексис Ципрас изгледа како да е настроена да ја турне Грција во амбисот.

Не така одамна, германските политичари и новинари уверено објавија дека евро кризата е готова; Германија и ЕУ, по нивно верување, ја преживеаа бурата. Денес, знаеме дека ова е само уште една грешка во постојната криза, која беше преполна со нив. Последната грешка, како и најголемиот дел од претходните, произлезе од нашата надеж - и тоа повторно, дека Грција излегла од транс.