2 март 2002-ра, Денис добива топка од Пирес и во дуел игра еден на еден со Никос Дабизас, го изместува Гркот од колосек и го произведува дриблингот кој и ден денес се врти и зборува „А ти текнува Бергкамп еднаш што му направи на тој од Њукасл?“ 

Ниту еден играч никогаш и никаде не можел да влијае на строгиот Венгер како што можел Денис Бергкамп. Сведоците од времето тврдат дека Арсен имал доверба само во Холанѓанецот која што овој еднаш ја искористил за да прави мајтап во базата. И биднал мајтап.

За непобедливите на Арсен Венгер во 2003/2004 ќе се зборува и пишува и по 100 години. Тоа беше неповторлив состав со врвни имиња на секоја позиција. Погледнете што изрежираа Бергкамп и Виера во последно коло против Лестер. Изгледа едноставно, но е многу мајсторски.