Bookbox › Набрзинка

Почнува 4-тата конференција „Наука за деца“

16 октомври 2025

4-тата научна конференција „Наука за деца“ ќе се одржи утре и задутре (17 и 18 октомври) во приватното училиште „Нова“ во Скопје, а оваа година темата е вештачка интелигенција (ВИ)
Во рамките на отворањето утре, петок, предавања ќе одржат трите стипендистки – Ангела Тунеска, Софија Петковска и Деа Атанасов, кои изминатата година работеа со нивните ментори Илија Дуковски (Boston University), Андреј Ристески (Carnegie Mellon University) и Билјана Мојсоска (Roskilde University). Задутре, сабота, ќе се одржат работилниците на следниве теми: 1. ШТО БАРАШ ТИ ВО МОЈА ПЕСНА? - ЧОВЕК И МАШИНА ВО ДУЕТ со Никола Перевски - Пере и проф. Никола Стиков, 2. В.И. ВО УЧИЛНИЦАТА: СОНУВАМЕ ЗА ЧАС ОД ИДНИНАТА со Мирјана Пауновска, м-р Драгана Стиков и проф. Ана Стојанов

Пријавувањето на работилниците се уште трае (до пополнување на местата), тоа можете да го направите тука.

извор

Доделена наградата Гонкур за 2025-та

5 ноември 2025

Најстарата и најпрестижна книжевна награда во Франција оваа година му е доделена на Лорен Мовињер за семејната хроника „Празната куќа“.
Во најтесниот избор влезе и книгата „Ноќ во срцето“ од Наташа Апана, која претходно ја доби наградата Фемина, за нејзината книга за жртвите на машкото насилство.
Мовињер (58) стана познат со својот дебитански роман „Далеку од нив“, објавен во 1999. Сега наградениот роман е негов десетти - на 750 страници Мовиње раскажува за своите предци од доцниот 19 век до после Втората светска војна, низ очите на жените во семејството. Романот веќе го има добиено признанието на списанието Ле Монд.

извор

Јапонскиот „Ден на културата“ во Скопје и Битола

2 ноември 2025

Амбасадата на Јапонија ќе го прослави „Денот на културата“, кој се одбележува секоја година во Јапонија, прв пат со концерт на јапонска минјо музика и недела на јапонски филмови и анимации во Скопје и Битола.
Околу овој датум се одржуваат многу фестивали за уметност и култура, доделувања на награди во организација на приватни и јавни установи во земјата. Тука ќе биде одбележан со:

04.11. | 19 ч. | Музеј на македонската борба за независност | НИХОН МИНЈО КОНЦЕРТ

13.11. | 19 ч. | во Кинотека проекција на „Под отворено небо“
14.11. | 19 ч. | во Кинотека проекција на „Нико од рибарското пристаниште“
15.11. | 11 ч. | во Кинотека проекција на „Пингвински автопат“
15.11. | 19 ч. | во Кинотека проекција на „ВОТАКОИ: Љубовта е тешка за отаку“
17.11. | 19 ч. | во Кинотека проекција на „Изнајми мачка“
18.11. | 19 ч | во Кинотека проекција на „Бурманската харфа“

19.11. | 19 ч | во КИЦ - Битола проекција на „Под отворено небо“
20.11. | 19 ч | во КИЦ - Битола проекција на „ Бурманската харфа “

Влез слободен.

извор