Доколку вечерта по изборите резултатите не излезат во корист на американскиот претседател, многу е веројатно дека Трамп инстантно ќе си поднесе оставка за Мајк Пенс да може да го помилува и амнестира за сите можни идни судски гонења заради федералните прекршоци што можеби ги направил.

Мајкл Коен во понеделникот почна со служење на 3-годишната казна затвор за лажење пред американскиот Конгрес и уште нешто ситно, на околу 100 и нешто километри од Менхетен во еден од „10-те најудобни затвори во САД“ според Форбс.

Признанието на доскорешниот адвокат на американскиот претседател дека Трамп бил известен за состанокот со Русите во јуни 2016 во Трамп тауер, нема да држи во суд доколку остане само на тоа едно сведоштво.