Како треба да изгледа клип од 1 минута кога сакаш да му продолжиш договор на свое дете, ќе ви покаже Интер. Федерико Димарко, роден во Милано, од 7 години се калел во школата на нероаѕурите. Го праќаа на позајмици, но денес го живее сонот и веќе трета сезона е незаменлив по левата бековска позиција, во клубот за кој навивал од мал.

Интер го совлада Фрозиноне со 2:0 во 12. коло од Серија А и остана лидер на табела. Цела Италија зборува за голчиштето на Федерико Димарко на кој му измерија дека успеал да го лобува голманот од точно 56 метри.