Aко случајно еболата стигне до Македонија (тука сите можни ритуали за изгон на злото, поплукување, чукање во дрво, викање не-дај-Боже) знаеме дека ич нема да бидеме расположени за метафори и други стилски фигури. Ама до тогаш, да видиме како можеме јазичко-новинарски да се носиме со неа.

Писател, дизајнер и уметник, како и илјадници твитерџии, се здружуваат во еден интересен проект - приказ на тоа како изгледа кога целиот свет гледа и емотивно доживува еден ист настан. Во овој случај финалето на Светското првенство во фудбал.

Тежу Кол (1975), американски писател со нигеријско потекло кого го засакавме заради романот „Отворен град“, е една од добрите причини за човек да биде на Твитер. Секогаш луциден, тој овој пат се обиде да состави свој речник на секојдневни поими, и да се обиде да се соочи со она што стои зад зборовите.