Наспроти очекувањата што може да ги има човек со наша перспектива не се работи за војни по дома, меѓу двете, трите или колку и да се сопруги, тие живеат во мир и разбирање колку што е тоа можно, се работи за цели регионални вооружени конфликти.

По одлуката на американскиот Врховен суд, во САД веќе не постојат еднополови бракови. Постојат просто  - бракови.  "Љубовта победи" е сумарниот слоган на слободарските кругови во светот. Конзервативците мислат поинаку. Кај нас лидерството на ЛГБТ заедницата проценило дека треба да праќа мртовечки венци.

Откако се ослободи содржината на една врска (маж-жена, маж-маж, жена - Ајфелова кула), на ред е да се еманципира и бројката. Сексолози сметаат дека моногамијата ќе го изгуби својот монопол за само десетина години.