За Микела Де Принс животот не бил лесен. Уште на 4-годишна возраст се соочила со војна, останала без родители, а роднините ја дале во сиропиталиште затоа што имала кожна болест витилиго. Денес е позната балерина чија приказна инспирира. Наскоро таа ќе биде и филмувана. 

Родена како Мабинту Бангура во 1995, Микела Де Принс минала тешко детство, обележано со воено насилство. Во нејзината нова книга, таа објаснува како од сираче од Сиера Леоне станала една од ретките црни балерини во САД, за којашто допрва ќе слушаме.