Некогаш глумата беше правење уметност од занаетот да се нијансира некој карактер. Да се биде денес глумец во Холивуд, за многумина главно значи да се одржува физикусот од чија кондиција и изглед директно зависат следните улоги и пари. Некогаш актерите не можеа да излезат од ликот, денес не можат да излезат од теретана.

Заради веќе добро документираниот расплет на настани околу Кевин Спејси беше одлучено сите негови сцени во All the Money in the World да бидат преснимани и тој да биде заменет со друг актер, Кристофер Пламер. Ова значеше дека и другите актери ќе треба да се вратат на снимање. Меѓу овие што доснимуваа се и Марк Волберг и Мишел Вилијамс, и како што е редот и двајцата треба да добијат пари за тоа.