Филозофот и активист го најави своето заминување во март, но сега го објави и писмото со кое дава оставка, во кое како причини ги наведува „површниот диверзитет“ и „духовната мувла“ кои според него владеат во оваа престижна институција.

Филозоф, професор, активист, Вест е познат по неговите теориски дела, но и по настапите по различни социјални и политички поводи, со инспиративни говори кои по интензитетот и драматургијата личат на проповеди на баптистички свештеник. На 21 мај во театарот Аполо тој направи и нешто повеќе - рецитираше поезија придружен од џез бенд, играше на фанк ритам, па дури испеа и еден блуз.

За Корнел Вест прв пат чув во документарецот Examined Life, во кој неколку славни имиња (Џудит Батлер, Жижек), дискутираат филозофски прашања во секојдневен контекст - на улица, на отпад, шетајќи низ паркови.