Иако изгледа како мала работа, ставањето акцент, дури и тој еден што најчесто се користи во македонскиот, знае да биде многу досадно за некој којшто произведува текстови секој ден. Сме се фатиле како наместо сè пишуваме „сето тоа" само за да го одбегнеме. Ако вака снеможуваат и најагилните во македонскиот, што останува за просечните Французи?

Французите никако да се одлучат, дали англискиот јазик им е душман или корисна алатка за комуникација. И додека едни нивни институции грчевито се обидуваат да го заштитат францускиот јазичен фонд од наездата на странски зборови, други го воведуваат англискиот како обврзен.