Читајќи ја „дебелата“ биографија на Хемфри Бартон за Бернштајн (преведена и на македонски), човек не може а да не се праша зошто до сега никому не му текнало да сними филм за овој бескрајно талентиран и необичен лик. Во меѓувреме сепак му текнало, и тоа на Бредли Купер. 

Купер од мал сакал да биде режисер. Иако испаднал успешен актер (Silver Linings Playbook, American Sniper) интересот за тоа да биде зад камерата не го напуштил. Неговото режисерско деби, римејк на „Ѕвездата е родена“, му е добар почеток. А музиката од филмот одлична!

Луи СиКеј на радио кај Стивен Мерчант, објаснува дека сите оние што се во публика на шоуто "Inside the actors studio" и им поставуват прашања на славните никогаш нема да станат актери, без разлика што и да направат: "Нема шанси дека ќе му поставиш прашање на Шон Пен и потоа ќе станеш ѕвезда." Видеово е дефиниција за животиште.