На последната конференција на Епл, Тим Кук објави дека секој еден корисник на Ајтјунс ќе добие бесплатна копија од најновиот албум на ЈуТу. И ова на комплетна радост на - речиси никој. Баш како што Боно посакуваше пред неколку години. (Мал апдејт - денес објавија бесплатна алатка за отстранување на албумот.)

Знам неколку души што ќе бидат воодушевени од текстов, затоа што истото она што тие цело време го зборуваат за Боно сега излегува од перото на Тери Иглтон, еден од најгласните британски литературни критичари и коментатори на современата култура.