Едно од крвните ривалства на планетава кое за цело чудо со децении нема еруптирано е меѓу Кина и Индија. За ова помага и еден договор меѓу двете држави од 1996 кој забранува користење оружје од граничарите од двете страни на границата.

Како што самиот интернет спонтано „се избугари“ па од нешто кое ти дава пристап до речиси цело светско знаење се сведе на скролање по сè побанални содржини или кавги на социјални мрежи, така неславно заврши и „порталот“ меѓу Даблин и Њујорк, кој даваше шанса да ги видиш и да те видат оние од другата страна на океанот. Уште окцата не трепнаа, надлежните решија да го затворат порталот заради непримерно однесување. 

Валентина Гомез е републикански кандидат за позицијата државен секретар на Мисури. Слоганот ѝ е „Жена со мисија“ и својата главна порака ја испорача додека џогира и тоа со натнат панцир на неа. „Во Америка можете да бидете што сакате. Не бидете слаби и геј, останете ебено јаки“. Добро ма Вале, а што ако некој сака да биде слаб и геј?

Американец од Калифорнија оди во Јапонија да разлгеда што има недвижност да се купи и кои се цените во споредба со баснословните суми што ги бараат кај него дома. Куќата му излегува некаде 835 долари / м2, без да смета и дворот што е влезен во цената.

Луда презентација на способностите на ВИ агентот на Гугл. Пушташ камера во канцеларија и го прашуваш дали гледа нешто што прави звук. Ти покажува звучник. Знае да ти опише кодови, да ти го оптимизира серверскиот сетап нацртан на табла. Вртиш камера преку џам и го прашуваш, во кое маало сме? Ти кажува. На крај го прашуваш да не ти ги видел некаде наочарите? На маса ти се, до јаболкото.

Велат дека во Америка мора само да умреш и да платиш данок. Првото останува фикс, а ова второво е прилично флексибилно и зависи колку си способен да ги заобиколиш правилата. Ворен Бафет и неговиот мултинационален конгломерат Беркшир Хетавеј плаќаат пет милијарди данок. Стариот вика, ако најголемите 800 компании поштено го платат својот, ниеден Американец не би морал да плати ниту цент федерален данок.     

Во објектите во кои ќе бидат сместени спортистите за Олимписките игри во Париз пристигнале анти-секс креветите (користени и на ОИ во Јапонија 2020 година), чиј дизајн треба да ги одвратат Олимпјците од идејата и тие да го паметат Париз како „град на љубовта.“ Исклучително се мали и двокомпонентни, да не можат да се спикаат двајца во еден кревет, а велат и дека се направени да се срушат под тежина на двајца луѓе. Ама, не е важно да се победи, важно е да се проба.

Казахстански градоначалник објавил тендер за поставување на тротоар, веројатно најдобрата понуда го добила тендерот и тротоарот е направен. Сè како што треба по книга. Откако е направен, активисти креваат галама и му предлагаат на градоначалникот и градежникот, да го пробаат тротоарот со инвалидска количка. За чисто чудо овие прифаќаат.

Вака ќе изгледа иднината во многу подрачја, на пример во бизнисот, во одделите за помош на корисници и слично. Ќе си прават муабет две вештачки интелигенции и 'човечки' ќе се разберат. На твоето ВИ алтер его му го објаснуваш проблемиот со новиот Ајфон, се врти телефон кај што треба, се јавува друго 'лице' надлежно за проблемот и се наоѓа чаре.

Пратеничка на украинската Рада, Ана Скороход, зборува за новиот бран на ситни кражби кој ја зафаќа земјата извршени главно од мажи на возраст за служење војска.

Матиас Штајнер е германски репрезентативец во кревање тегови кој учествува на Олипијадата во Пекинг 2008. Една година претходно сопругата на Штајнер е тешко повредена во сообраќајка, пред да почине тој ѝ ветува дека на Олимпијадата во Кина ќе освои злато за неа. Има три обиди.

Кратко инфо за еден модерен тренд за ослободување од гневот кој ни се собира во секојдневието а се трпи заради општествените кочници. Не е менаџирање на гневот туку негово истресување: врескаат колку што ги држи глас и маваат со стапови по земја додека „коучот“ ги храбри „удри! удри!“ После тоа се осеќале блажено испразнето и биле спремни да се свртат кон порадосни содржини. Значи исто како после тресење теписи.

Камери во Санкт Петерсбург го фатија моментот кога патнички автобус, од нигде никаде почна да се движи нелогично и без контрола, зафати неколку коли и преку мост се преврти во река. Брутален капитализам е причина за трагедијата. Сопругата на шоферот (кој преживеал) кажа дека после 20 часа возење, ГАЗДАТА му рекол дека мора да одработи и утринска смена. А газдата веќе имал 23 казни. Таквиот капитализам, неговите апостоли го бранат со идиотизмот „вежи коња где ти газда каже“. Ете како завршува тоа.

Избирачката комисија на Џорџија малку подзанеме кога разбра дека во еден тамошен округ, 3.000 гласачки листови од изборите во 2020 година биле двапати скенирани. Е, добро, де, што се три илјади гласови во купчето? Да де, само што во купчето недостасуваат скенови од вкупно 380.761 гласачко ливче! И покрај сè, комисијата процени дека не е потребна дополнителна истрага на таа тема.

Двајцата се гости кај Грем Нортон, Клиз раскажува за табиетот на неговата покојна мајка која имала одлична смисла за хумор, стално се изненадувала што е нешто депресивна во последно време а синот едно време ѝ понудил и решение за тоа. Колку е Клиз урнебесен во својот црн хумор, толку е забавно да се посматра Свифт на која веројатно не ѝ е јасно кој е овој чичко и како може такви работи да кажува на телевизија.

Џони МекКенти е трампов лојалист, му беше личен асистент и му го водеше персоналот додека овој беше претседател. Викаат дека таму бил гад и страв и трепет, чистејќи ја Белата куќа од сите кои не му се гледале идеолошки посветени на Мake America Great Again каузата. Не нè занима. Сега е многу полабав, оди по ресторанчиња, јаде и поставува негодни прашања. Некои од вас добро ќе ви се најдат во кавга.

Суштеството се смета за транс-активист и верува дека е заробен во погрешно тело (зошто некогаш не помислуваат дека можеби се заробени во погрешен ум?). Сака да му се монтира комплет женски репродуктивни органи (матка, јајници, јајце клетки, шоидатреба) но не за да може да роди туку за да може да абортира?! Оти па така лесно ќе најде некој кој ќе сака да го забремени.  

На еден добар дел од македонските новинари, гостинот на кој му поставиле прашање може да почне да одговара што му е курцу воља пошто новинарот веќе зјапа во белешките (за да се потсети која му е следна тема/прашање). По некое време ќе го каже легендарното „за жал, имаме уште многу теми а времето ни е кратко“ и ќе продолжи. Кај Пирс Морган не оди тоа така. Тој кога ќе нагази некого, како Тајсон да го стерал в ќош и мава, мава...

Можеш да пееш блуз ако си слеп, не можеш ако си бил слеп па си прогледал. Можеш да си блуз кога се возиш во Кадилак, не и во Волво и БМВ. Блуз си ако си упукал човек во Мемфис, не и ако тој човек преживеал. Ако се викаш Амбер или Хедер, не може да си блуз, без разлика колку луѓе имаш упукано во Мемфис. Може блузерски да умреш во мотел, не и на тениски меч или на липосукција.

Со доволна дистанца од целата неподнослива галама околу ковидот и вакцините, Крис Куомо, во тоа време еден од главните ликови на Си-ен-ен признава дека Роган излегол во право околу вакцините и посебно ивермектинот. Неговото алиби е - кој да знае тогаш.

Елитната воена авијација на Франција да ти била на дереџе на македонскиот владин ПР кој изминативе години не може знаме на странски гостин да погоди. На пречекот на олимпискиот оган на парада во Марсеј на која се собраа 150.000 луѓе, авионите ги испомешаа боите па го утнаа знамето на Франција. Ај што го утнаа своето, туку што го исцртаа руското знаме.

Голема, голема будала. Можеме да замислиме како би завршила сцената кога Оливер Рид би ги седнал во својот омилен паб (онаму каде што уште го пуштаат да влезе) оној дечко кој го глумеше Хари Потер, некој од оние кои го глумеа Спајдермен или кој било од денешниот шпил машки актерски ѕвезди. Се шалиме, не можеме да замислиме.

На една страна е Илон Маск кој алармира дека намалениот наталитет е веројатно клучниот проблем на нашата цивилизација. Од друга страна се моќни кругови; Светски економски форум, Бил Гејтс.. или еве го ЦЕО-то на Блекрок кој вика дека меѓу земјите во развој, големи победници ќе бидат оние држави чија популација ја снемува бидејќи таму, види мајката, ќе биде полесно луѓето да се заменат со машини.

Починал Бернар Пиво, познатиот француски новинар кој водеше култни емисии за книжевност и едно време беше прв човек на академијата Гонкур. Да потсетиме на еден епски момент, кога гостин му беше Чарлс Буковски, направен гипс. - Што не му сипавте вода? - ги прашува Пиво луѓето од неговата екипа.  - Си носи тој свои шишиња, му одговараат овие.