Французите со вакцините моментално се на „комплетно губење доверба“

Иако се во првите борбени редови на пандемијата, иако се грижат за најранливите групи, половина од вработените во француските старечки домови изјавуваат дека нема да се вакцинираат.

Според синдикатите ваквите бројки се должат на недовербата кон владата од страна на вработените, според самите вработени, тие би сакале да мине некое време и да видат како ќе одат работите пред да се вакцинираат.

Дел од луѓето што се грижат за повозрасни лица објаснуваат дека не се чувствуваат дека им е потребна вакцина, без да оспоруваат ништо околу вакцината. За други, се уште не се знае доволно за безбедноста на вакцината, главно затоа што толку брзо беше извадена и немало доволно време да биде тестирана.

И вон оваа фела, Франција ја има една од највисоките стапки на скептицизам кон вакцината. Тамошните анкети покажале дека 40% од испитаниците не би се вакцинирале со вакцината против ковид-19.

Од почетокот на пандемијата во Франција од ковид-19 починаа околу 25.000 лица сместени во старечки домови.

 

5 март 2021 - 09:33