„Секој што ќе се обиде да ја растури Кина, во кој било дел од државата, ќе заврши со столчени тела и здробени коски,“ изјавил Џинпинг за време на средбата со непалскиот премиер.
Процената е дека Џинпинг намерно ја искористил меѓународната средба за изјавата, за пораката јасно да биде испратена до САД. Пекинг сето ова време ги обвинува САД и ЕУ дека им даваат поддршка на демонстрантите во Хонгконг.
Ова е прва посета на кинески претседател на Непал последниве 22 години, а непалскиот премиер ветил дека ќе се спротивстави на какви било „анти-кинески активности“ на нивна почва.
Вонредно вознемирената сезона што ја имаат кинеските власти се должи на протестите во Хонгконг кои веќе со месеци на застануваат, ниту пак издишуваат. Од почетните прошетки низ Хонгконг, протестите моментално се во фаза гумени куршуми, солзавец, водени топови и масовно апсење на демонстранти.
Од друга страна, американските медиуми се повеќе го актуелизираат прашањето на Ујгурите, муслиманското малцинство во земјата и како кинеските власти ги третираат истите. Според бројки од ујгурски активисти, моментално има над 1 милион припадници од ова малцинство сместени центри за ре-едукација и тренинг.
