Париз во есен: вино, романтика, солзавец и скршени глави

Околу 160.000 луѓе излегоа на демонстрации низ Франција на повик на тамошните синдикати против реформите што Макрон се обидува да ги воведе во социјалната заштита и правата на работниците.

Бројката е од тамошниот МВР, а според организаторите таа изнесува 300.000 од кои 50.000 се само во Париз.

„Ние не се жалиме, ние се бунтуваме“ порачуваат студентите, работниците и пензионерите кои учествуваат на првите демонстрации по летните одмори.

Главното барање е да се одржи постојниот социјален модел, кој пак Макрон е намерачен да го собори дури и по цена на константно намалување на сопствениот рејтинг. Моменталната позиција на властите е дека „намалувањето на социјалните исплати од буџетот позитивно ќе влијае на куповната моќ.“

На првиот ден од протестите пријавено е дека потешко се повредени по еден полицаец и еден демонстрант, а уште најмалку 16 демонстранти се уапсени.

 

10 октомври 2018 - 11:16