Тајмс оф Индија тврди дека станува збор за автентична вирална аудио снимка од кинеската врхушка, меѓу кои се и генералниот секретар на комунистичката партија за Гуангдунг, провинцијата што е карши Тајван, заменик секретарот, гувернерот и заменик гувернерот.
Фокусот на состанокот е „уништување на борците за независност и започнување војна без колебање“, а во однос на транзицијата уште сега предлагаат отворање на заедничка цивилно-воена команда која ќе ја помогне целата организација.
Тие зборуваат и за мобилизацијата што би била објавена во Гуангдунг од источната и јужната воена зона.
„Прво, мобилизацијата во нашата провинција која ќе биде наредена од источната и јужната воена област, ќе вклучува 20 категории и 239 ставки, главно 1.359 единици од различен тип со вкупно 140.000 војници, 953 бродови од различен тип и 1.653 единици со различна опрема без екипаж.
Останатите ресурси вклучуваат 20 аеродроми, пристаништа и бродоградилишта, 14 центри за итен трансфер, и инфраструктура како силоси за жито, болници, резерви со крв, нафтени депоа, бензински станици итн.
Второ, националната канцеларија за мобилизација ќе регрутира нов воен персонал, пензиониран воен персонал и специјален талент со вкупно 15.500 луѓе од нашата провинција,“ пренесува Тајмс од Индија дел од снимениот разговор.
Толкувањето на Тајмс оф Индија на целата снимка е дека средбата повеќе е за да се разговараат „пред-воените подготовки“, отворен состанок за давање предлози и дискусија околу нив.