Јавно обелоденетата документација е прва епизода од најновата серија на Викиликс (Vault 7) која се фокусира на ЦИА и нејзините тајни операции, вклучувајќи ги шпионските протоколи и хакерските пракси на агенцијата.
Беше најавено дека скандалот на прес конференција ќе го обелодени првиот човек на Викиликс но презентацијата на Асанж беше одложена после жестоките напади на неговиот Фејсбук и видео стримот на Перископ.
Па затоа го истурија материјалот директно на Твитер.
Збирката содржи преку 8.700 доверливи документи и е прилично скандалозна и шокантна во поглед на тоа колку е долга и раката и увото и окото на ЦИА.
Откако минатиот месец Викиликс објавија како ЦИА таргетирала француски политичари за изборите во 2012 година, од новите досега објавени материјали се дознава и ова:
- ЦИА ја изгубила контролата врз поголемиот дел од својот хакерски арсенал кој содржи малвери, вируси, тројанци, злоупотребени софтверски дупки и апликации за системи за далечинска контрола. Оваа неверојатна колекција содржи СТОТИЦИ МИЛИОНИ линии со кодови и и на тој што ја поседува му го дава на тацна целиот хакерски потенцијал на ЦИА.
- Дупки се наоѓале и истите се претворале во свое оружје кај широка палета американски и европски компании, вклучувајќи ги Ајфонот на Епл, Андроидот на Гугл, Виндоусот на Мајкрософт па дури и Самсунг телевизорите кои ЦИА ги претворале во свои скриени микрофони за прислушување.
- Се чини дека освен контролата на смартфони и други мобилни уреди, ЦИА развивала потенцијално смртоносни технологии за контрола на земјени и воздушни возила, како и на медицински уреди.
За да имате претстава за каков волумен се работи: бројот на страници досега објавени под серијата Vault 7 веќе ја надмина вкупната бројка од првите три години на вадењето документи за НСА од страна на Едвард Сноуден.
