Македонскиот, регионален и европски шампион Вардар со карактер и авторитет ја стартуваше новата сезона во ракометната Лига на шампиони. Падна Монпеље, незгодниот француски противник кого го совладаа и ланска сезона во прво коло.
По долги исчекувања, МТВ конечно ја израдува македонската јавност која не ги поседува регионалните спортски канали кои пренесуваа ракометна ЛШ. На отворањето на сезоната, европскиот шампион Вардар му гостува како и лани на француски Монпелје а тој меч ќе оди во директен пренос на МРТ.
Тие му пејат: Столе ти си наша икона, а тој во Европа ги претставува како најдобри навивачи меѓу кои вели дека е и самиот тој. Ете така се претставува своето во интервју, покрај се разбира на паркетот каде крвари за Вардар.
Европскиот шампион со убедлив триумф 34-27 го совлада домаќинот на Светското клупско натпрварување „Супер глоуб“, Ал Мадхар, и успешно тргна во поход кон вредниот пехар.
Во натпревар од 1. коло на македонскиот Куп, Брегалница го совлада прилепскиот клуб Ново Црнилиште со 22:0. Интересно е што Штипјани во прво полувреме дале „само“ 6 гола. Ново Црнилиште е тим кој игра во општинската лига на Прилеп и номинално требал да биде домаќин, но мечот се одиграл на градскиот стадион во Штип.
Конечно после толку желби, мемиња, видеа и зезалици, дочекавме Давид Луиз во последниот ден од преодниот рок да потпише договор со Арсенал и да му се придружи на својот брат по природна коса, Матео Гендузи.
На македонскиот репрезентативец му беа потребни само 15 минути да го отвори резултатот на гостувањето против Ференцварош во квалификациите за ЛШ. Знаеме дека е играч од среден ред, ама кога ќе влезе во шеснаесетник се однесува како Луис Суарез.
Во ова бедно лето на резултати на македонските екипи во Европа, особено на тутуруткине Шкендија кои се посрамотија со аматери од Естонија, а потоа во Луксембург му одеа главечки на судијата, време е за фини нешта.
На истиот тој што дреме на Јутјуб и гледа Фортнајт видеа по цел ден, пренесете му дека другарче негово од Пенсилванија само што собра 3 милиони долари за освојување на Фортнајт светското првенство.
На 56 годишнината од катастрофалниот земјотрес кој го погоди Скопје, ќе се потсетиме на најтешкиот и најтажниот фудбалски натпревар на кој повеќе се слушало плачење отколку навивање.
На денешната прес конференција Parkland Hospitality Group гордо го претстави својот најнов член - Next Door Park Hotel, којшто со својот карактер и комбинација на милениумски дух и храброст претставува вистинско освежување за Скопје. Next Door Park хотелот со 4 ѕвездички е новиот член на оваа групација и воедно новото поглавје од успешната приказна наречена Parkland Hospitality Group.
Втората европска титула на македонскиот шампион Вардар мотивира и инспирира секого, па така и извесен Влатко Алексовски кој решил да направи своја верзија на легендарната „Шошана“.
Слован Братислава одигра 1:1 против Сутјеска во првото квалификациско коло од Лига на шампионите. Гостите израмнија дури во 95-та минута и тоа на спектакуларен начин, со еврогол на Црногорецот Дамир Којашевиќ кој играше за Вардар во сезоната 2016/2017.
Илија Абутовиќ си замина од Вардар после европската титула во 2017-та и направи трансфер во Рајн Некар, ама ете го назад во Скопје за својата свадба. Се зема со Македонка и ја запеа еднa од омилените песни на навивачите на Вардар.
Унгарски Веспрем, кој мораше да се поклони пред Вардар во финалето на ЛШ, имаше сосема добра сезона зошто ја освои титулата во домашното првенство и играше финале на Куп. Од клубот твитнаа интересна листа на најсилни удари сезонава. Многу високо котира Деки Манасков.
Во период кога е троа суво со спортски настапи и хит се трансферите, Хрватите пишуваат за новиот лик на европскиот ракометен првак кој го крчка составот за следната сезона.
На помалку од четири недели по епскиот успех на Вардар кој направи чудо и по втор пат ја освои Лигата на шампионите, попладнево во седиштето на ЕХФ во Виена се извлече ждрепката за групната фаза за новата сезона.
Откако блеснаа со коментирањето во Келн кога играше Вардар, а потоа дојдоа и на прославата на плоштад, ете ги Стеван и Стретен пак кај нас. Поводот е кампот на Кире Лазаров кој петта година по ред се одржува во Охрид. Арена ТВ е генерален медиумски партнер.
2018/2019 не само што е сезона на РК Вардар, туку и на неговите навивачи за чија поддршка се знае и зборува од Скопје до Келн. Случајно налетавме на кусо видео од Јане Сандански кое трае половина минута и кое не врати на 2 јуни. Па како после да не падне секој тим во оваа сала со ваква публика.
Европскиот шампион им се заблагодари на ракометарите за епскиот успех кои го направија со Вардар: „Ви благодариме Дејан Милосављев, Рожерио Мораеш, Глеб Калараш, Игор Карачиќ, Димитри Кисељев, Јања Војводиќ и Роберто Парондо“.
На 13. јуни 1993 година под „Тумбе Кафе“ во Битола требаше да се одигра големото дерби меѓу ривалите од Битола и Скопје. Поради нереди на навивачите и влегување на терен, мечот воопшто не се одигра. Кога ќе види човек колку луѓе имало тогаш на стадион, а колку денес, се прашува каде ја утнавме работата.
Европскиот шампион го претстави својот нов предводник од клупата. Станува збор за шпански тренер кој ќе се обиде да ги повтори епските успеси на неговите сонародници кои ги водеа црвено-црните.