Ни сакаш, ни знаеш како, ама одеднаш сред работа телефонот ти е во рака и веќе си на десеттиот лајк на Инстаграм или ги чешлаш „инста-сторијата“. Креваш глава, гледаш дека си изгубил 15-20 минути, ама барем во тек си кој сабајлево има испиено смути, а кој е на кафе. И така си раат барем уште едно саат време, максимум.
Колку што за родителот е очигледна позитивната врската меѓу ќотекот и (барем привремениот) мир во куќа, толку за научниците е очигледна негативната врска меѓу ќотекот и подоцнежното физичко и психичко здравје на децата.
Ако веќе сте скршнале од стартната позиција дека сите диети се за избегнување, Британското диететско здружение уште од сега има список со диети кои веројатно ќе навалат во 2018 и кои по секоја цена треба да се избегнуваат. Ако не заради здрав разум, тогаш барем заради здравје.
Во Србија постои граѓанско здружение на лекари и родители кое се вика „Граѓани против шарлатанството“ и чиј правен тим почнал да поднесува кривични пријави против оние кои во јавноста шират дезинформации и паника околу вакцините. Прва обвинета е една докторка а на ред е и Јелена Карлеуша и слични „авторитети“.
Односот меѓу човештвото и Марс се враќа на статусот од пред 2015, откако водата што НАСА тврдеше дека пред две години ја открила на Црвената планета излезе дека е само песок или прашина.
Авторот на книгата со овој наслов не е некој „од наша банда“, туку е доктор и директор на американски центар за здравје. Неговиот совет за оние ситуации кога човек се колеба дали да касне нешто за кое мисли дека е штетно гласи: А нели е штетно да си ја мачиш душата?
Швеѓани доаѓаат до дополнителни докази за благопријатноста на кучето по здравјето на луѓето, по основа на продолжување на човечкиот животен век, што е надополнето со намалување на ризикот од срцеви заболувања.
Зоната на одгледување опиум во југословенското кралство зафаќа 14.000 хектари во 40 општини на Повардарие. Македонскиот опиум благодарение на погодното тло и речните наноси бил меѓу најквалитетните во светот бидејќи содржел 14-16% морфиум. Колку за споредба, кинескиот имал вкупно 3 до 5 проценти морфиум.
Речиси две децении откако феминистките застанаа на страната на Бил Клинтон, најупадливата работа околу моменталниот наплив на обвинувања за сексуални напади и малтретирање, не е ниту сеприсутноста, ниту ликовите кои тоа го извршиле, туку тоа што луѓето им веруваат на жртвите.
Умерено пијаните лица подобро и потечно зборуваат странски јазици, утврдиле холандски истражувачи. Бидејќи алкохолот го убива срамот, фатените не му ја мислат многу дека ќе звучат лошо, па главно затоа звучат супер.
Јавниот обвинител на Шпанија обелодени дека неговата служба ќе подигне три обвиненија за распуштената каталонска влада предводена од Пучдемон. Делата за кои ќе се товарат сецесионистите носат затвор до 30 години.
Кога ќе почнеш со „Земјата е рамна и околу неа има непробоен прстен од мраз“ речиси и да не постои прашање кое може да те изненади или да те остави без одговор.
Минатата недела се појави веста за едно неочекувано откритие дека археолог за текстил од шведскиот Упсала Универзитет го открил зборот „Алах“ испишан на стотици години стара викиншка погребна облека. Времето, 5-6 дена подоцна, покажа дека веста пренесена од најдоверливите медиуми (Би-би-си, Нешнл џиографик...) не е така точна како што изгледа.
Во драматичен пресврт на досегашната пракса, производителите на цигари добија судска наредба да почнат да се рекламираат на телевизија и весници. Во уште подраматичен пресврт за самите производители, рекламите што ќе ги плаќаат треба да објаснуваат како тутунската индустрија лажела за штетноста од пушењето цигари.
Во времето кога полицијата на Лас Вегас ги вадеше последните бројки за жртвите, од преку пола свет стигна соопштение од ИСИС дека извршител на масакрот е „војник на Исламската држава“. Ваквото на ништо базирано тврдење беше надополнето со второ соопштение во кое се појаснува дека убиецот наводно пред неколку месеци преминал во Ислам.
По барање на Европската комисија и по цена од 360.000 евра изработена е студија за тоа како пиратеријата е штетна за продажбата на музика, книги, видео игри и филмови. Резултат: ЕУ никогаш не ја објави студијата.
Текстов се однесува на Евреите од Солун, кои на почетокот на 20-от век беа една од доминанатните заедници во градот. За неколку дена 50.000 Евреи биваат депортирани и убиени во наци логорите. Оние малкумина кои имаат среќа да се вратат, наидуваат на град кој е глув за она што им се случило. И така со децении. Ситуацијата сака да ја смени градоначалникот со потекло од Крушево.
Кај 80% од жените што одат на третмани за плодност (ин-витро) најдени се траги од хемикалии за задушување на оган што се користат во производство на јога черги, мебел и слични секојдневни производи.
Група научници што нашле службена причина да дремат на Инстаграм и за тоа да бидат платени, успеале да создадат алгоритам кој на сликите на Инстаграм препознава неколку клучни знаци преку кои е поефикасен во откривање депресија отколку докторите.
До сега, најголемиот дел од вас слушнаа за т.нр анти-разноликост манифест на Гугл и како Џејмс Дамор, инженерот што го напиша беше отпуштен од работа, пишува во својот текст за Глоб енд меил, Дебра Сох, докторка по сексуална неврологија од Универзитетот Јорк.
По атентатот ЦИА е желна да ја прифати верзијата што доаѓа од ФБИ, Тајната служба и останатите делови од владата - односно дека заблуден и само-прогласен марксист го убил претседателот на САД со пушка од 21 долар нарачана по пошта, и дека не постојат никакви докази за завера (домашна или странска). ЦИА и потврдува за истрагата дека нема никакви докази за завера.
Со оглед на тоа што постојат толку многу диети кои меѓу себе се контрадикторни по „филозофијата“ и нутриционистичките правила па сепак за секоја ќе најдете некој што се колне во неа, една храбра теорија вели дека е можно сето тоа е едно обично плацебо. Дека луѓето можат да слабеат ако се уверени дека прават нешто што ги слабее.
Иако е премногу далеку и е малку веројатно, ваквата замисла неодоливо потсетува на средината на 2015, кога Трамп прв пат објави дека се кандидира за претседател, а и левите и десните се спрдачеа со него и замислуваа како би изгледала таа Америка чиј претседател е поранешен водител на реално шоу и сеопфатен кловн.
Не чиста како измиена, туку чиста како органска, без ГМО, без адитиви и слични неприродни додатоци. И иако првата варијанта (измиената) е корисна, втората е чисто маркетинг фора за богати белци.
Може не е главна порака, ама уденува важна поента: за науката за храна активистите што се противат на безбедноста на ГМО храната се еквивалент на луѓето што веруваат дека земјата е рамна.