Требаше да гостува европскиот првак Италија во Скопје, за надлежните да се сетат дека нашиот најубав стадион треба да има и најубава трева, која бара постојано одржување. Ова треба да е нормална слика секој ден и пред секој меч, вклучително и кога играат Вардар и Работнички.
Во вториот месец кој истекува од големата кампања на Комити за помош на Вардар со купување на годишна влезница од 1.000 денари, како да се нема слух за македонскиот спортски бренд. Со полн Градски играчите би добиле половина милион евра за функционирање оваа сезона во прва лига. Погледнете го видеото и замислете се.
Во овие мега тешки битки на Вардар кој е доведен во ситуација да моли за поддршка и пари, ќе се потсетиме на еден не така одамнешен, ама незаборавен и неизбришлив момент во нивната историја.
„Првите канцеларии на Вардар се во Офицерски дом. Значи гледате ли какво место имал Вардар? Во најрепрезентативната зграда во Скопје, Вардар имаше свои простории“.
Вардарци ја продолжуваат тешката битка со нови имиња, многу ветувања, малку исполнувања и премал одзив за исполнување на Градски со по илјадарче од човек.
Ние во основно на пример имаме бегано од часови за да го гледаме Вардар против Бордо. И со самото тоа што бевме на стадион на тие години ни беше филм. Овие имаат друга перцепција за фудбалски натпревар. Снимката е од Лестер - Кардиф.
Истиот лик кој им се понуди и беше одбиен од Вардар и Брегалница Делчево, купил македонски третолигаш од Источна Македонија кој не сака да го открие и кој ќе се преименува во Јунак. Се работи за претседателот на бугарската фондација Македонија, Виктор Стојанов. Клубот ќе биде финансиран со помош на фондацијата, а поддршка очекува да имаат од бугарски навивачи. Ќе целат на пласман во втора лига.
Хајдук синоќа го пречека ПАОК во квалификациски меч од Конференциска лига, трето по ранг натпреварување во Европа. Некој да види што приредија навивачите, а да не знае за што играле, ќе мисли ова е финале во Лига на шампиони.
Горната фотографија е од Супер Купот на Европа меѓу Реал Мадрид и Манчестер Јунајтед одигран на 8 август 2017-та. Долната е од квалификациската во Конференциска лига меѓу Шкупи и Левски Софија, 27 јули 2023-та. Место да се одржува и да се усовршува, се случува обратното и теренот е претворен во нива на која не би играле ниту Шишево и Дељадровце.
Понудата им стигнала во сандаче од извесен Виктор Стојанов кој им ја напишал точната сума на пари за 51% од акциите на клубот. Комити одговараат дека не постои простор за дискусија со луѓе што не го признаваат македонскиот идентитет.
Не треба во никој случај да влегуваме во непотребни компарации со клубови од Премиер или Бундеслига. Доволно е само да се фрли око во регионот за да сфатиме до кај сме ние и колку сме назад.
Навивачите на Шкупи и Левски синоќа имаа бурна ноќ со инциденти во Чаир и на стадион и биланс од 21 уапсен и еден прободен. Некаде, некако во близина биле и навивачите на Вардар кои скришно им дрпнале навивачки реквизити на гостинските навивачи.
Тренерот на Вардар, Бобан Грнчаров ги потсети фудбалерите на Вардар што значи за Скопје датумот „26 јули“ и го прекина тренингот за момент, за да им одадат почит на трагично загинатите.
За 60 годишнината од катастрофалниот земјотрес во Скопје, ќе потсетиме на едно кусо сведоштво на легендарниот Ивко Панговски кој коментирал меч на кој повеќе имало плачење, отколку навивање.
ВМРО ДПМНЕ, СДСМ, Левица, ЛДП, ДОМ, Гром и Зелен Хуман Град гласаа ЗА и без ниту еден глас против, за Вардар да добие финансиска промош од Град Скопје. Градоначалничката ќе решава колкава ќе биде сумата.