Колку пати сте ја чуле изреката „не суди за книгата според корицата“? Оваа го прави токму спротивното - ве суди вас, според вашата „корица“, односно според изразот на лицето.
Немам јас ништо против здрава исхрана, ниту пак против било каква исхрана кога сме на таа тема, но страшно ме револтира кога некој ми продава американски приказни за нездрава исхрана и прекумерна тежина кога луѓево едвај успеваат месецот да го преживеат и да стават каква било храна у фрижидер и негде низ кујна.
Kундера (85) со години немаше објавено ништо ново. Оттаму, преводот на англиски на неговиот нов роман „Празник на безначајноста" се смета за причина за прослава, рамна на „враќањето" на Харпер Ли.
Двајца соработници на Њујорк Tајмс дебатираат околу природата на пишувањето книжевни критики во медиумите. Дали нивните автори создаваат уметност, или вршат општествено корисна работа? Според нив - второто.
Бизарна и претажна е потврдата на старата фраза "животот е краток а уметноста долга" во случајот на Едмунд Клинт. Едно мало детенце од Индија кое на Земјава беше присутно нецели 7 години а зад себе остави преку 25.000 уметнички дела.
Вест на тукушто започнатата година во книжевните кругови е дека е пронајден необјавен ракопис на Харпер Ли, продолжение на нејзината славна книга од 1960, за којашто таа ја доби Пулицеровата награда.
Дали од еротско романче очекувате истовремено да биде и прирачник за безбеден секс? Или таквите се читаат за да ѝ се даде оддишка на фантазијата, во која, да си признаеме, нема кондоми, ама ни секирации околу ХПВ и трето дете.
Ана ја „запознавме" случајно, кога на Фејсбук забележавме дека некој објавува километарски песни, кои масовно се споделуваат. Има и причина зошто на луѓето им се допаѓаат - нејзината поезија е искрена и топла, дури и некако мајчинска, полна добронамерни совети и одживеани мудрости.
Се разбира дека нема потреба да знаеш што е тоа „канон" или „арпеџо" за некое парче музика да те погоди право в срце. Но што ако има начин некој да ти го анализира нота по нота, а сепак да не ти го расипе, туку напротив да направи уште повеќе да го цениш?
Во 1961, професорот по психологија на Универзитетот Јеил, Стенли Милграм, објавил оглас во весник: „Плаќаме 4 долари по час. Бараме 500 луѓе кои ќе ни помогнат да спроведеме научно истражување за меморијата и учењето". Повеќе од 50 години по неговиот озлогласен експеримент, научниците сè уште се фасцинирани од резултатите, иако немаат баш добро објаснување за нив.
Првиот роман на големиот кошаркар ќе се однесува на еден мал, и неправедно маргинализиран лик, постојано во сенка на неговиот брилијантен брат. Веќе замисливме филмска верзија, и ги доделивме улогите.
Дали момците и натаму треба да уринираат стоејќи или пак конечно треба да си легнат на брашното тоест седнат на шољата, не е ниту нова, ниту пак наивна дебата. Околу ова прашање се пишуваат книги а дилемата стигна и до суд.
Српскиот писател Филип Давид деновиве беше актуелен затоа што ја доби НИН-овата награда за најдобар роман, за книгата „Куќа на сеќавање и заборав". Но еден текст од негова постара книга од 1997 звучи неверојатно свежо.
За да се активира природното регулирање на тежината на организмот - да не се внесува шеќер и да се избегнуваат процесирани продукти кои содржат фруктоза (дури и џусеви).
Чарли Вотс своевремено напишал и дизајнирал сликовница посветена на едно пиле. Зад неа всушност се крие љубовта на човекот кој цел живот го мина во рокенролот кон друг жанр музика.
Од страна гледано, кога жените ќе решат да ја сменат интимната фризура тоа го прават така брзо и масовно, како сите истовремено да добиваат таен меморандум за тоа. Најновата мода се вика "полна бразилска грмушка". Звучи оксиморонски ама делува.
По нападот на Шарли Ебдо, една книга почна вртоглаво да се искачува на листата бестселери на францускиот Амазон. Насловот е „Покорување", се случува во иднината, а темата е - исламската закана на која е изложена Европа. Планираната промотивна турнеја мораше да се одложи.
Родена како Мабинту Бангура во 1995, Микела Де Принс минала тешко детство, обележано со воено насилство. Во нејзината нова книга, таа објаснува како од сираче од Сиера Леоне станала една од ретките црни балерини во САД, за којашто допрва ќе слушаме.
Меѓу другите работи кои се сведоа изминатата година е и бројот и видот на грешки кои се правеа по медиумите, за што некои од нив имаат чуден обичај да се извинуваат. Не дека и ние сме им имуни (сте чуле за градот Колоњ?), ама тоа не нè спречува да му фаќаме сеир на еден Њујорк Тајмс.
70-годишниот социолог почина на првиот ден од Новата година, оставајќи ја зад себе необјавената студија „Метаморфоза на светот". Исто како што гасеницата нема поим што се случува додека таа минува низ промени во својата чаура, така и ние реагираме на трансформациите на нашето општество, неподготвени за неговите ризици.
Самообвинувачката флоскула „заради ова интернетов" за многумина стана главен изговор што долго време не зеле книга в рака. Тоа станува уште поиронично имајќи го предвид „бук"-от во името на Фејсбук. Но Закерберг сега ќе ја оправа работата.
Писателот Остин Клеон, нам познат по бестселерот „Кради како уметник", манифест за креативноста во дигиталното доба, состави листа на сопствени ветувања во врска со читањето. Ни изгледа како фин вовед во Новата, иако повеќето од спомнатите работи веќе ги правиме. Ама бр. 5 ќе мора да гo вежбаме.
Митот гласи дека не можете лист хартија да превиткате повеќе од 4 (7,11) пати. А можете, ако не сте ограничени со големината на листот и енергијата која ја имате за да виткате. Проблемот е што ако ја превиткате хартијата 103 пати, ќе добиете хартија подебела од она што ние го познаваме како видлива вселена или метагалаксија (93 милијарди светлосни години).