"Признајте, ќутенката ќе си го гласате Трамп?" Вака гласи насловното прашање на еден американски психолог која говори за скриениот адут на Доналд Трамп: армијата луѓе која иако јавно не го подржуваат, најверојатно ќе гласаат за него. Тоа се истите оние кои кај нас некогаш не го гледаа Вучиќ а денес не гледаат турски серии.
Во анализа на веста од пред неколку месеци дека Македонија, поточно Велес, претставува престолнина на про-Трамп сајтовите, Гардијан успева да идентификува над 150 домејни поврзани со вести со Трамп регистрирани на луѓе од Велес.
Оригиналниот и фактографски точен наслов на сторијата е “Најџел Фараж зборуваше на митинг на Доналд Трамп”, меѓутоа сепак не сакаме на прва да вадиме луѓе од памет.
Говорот е упатен до Доналд Трамп и во него најдругарски го советува како од целата работа може да излезе како легенда, а сè што треба да направи е да се откаже од претседателската трка. Проштален, затоа што оди на одмор до 20 септември и се надева дека до тогаш Трамп ќе го има послушано.
Снимателот на документарци изјавил дека "со сигурност" знае дека Доналд Трамп не сака да биде претседател на САД и тврди дека републиканскиот кандидат сега ја саботира сопствената кампања за да го избегне претседателскиот мандат.
Во анализа за Њујорк тајмс, Дејвид Брукс објаснува дека поранешната прва дама не ги привлекува гласачите пред се заради својот темперамент, односно дека е постојано опседната со својата кариера и и' недостасува животна радост. Џон Мекартур во колумната за Ле монд дипломатик објаснува дека тоа е најмалку важното нешто што може да се каже за Хилари.
Црвените кругови кои се појавија на телата на американските пливачи на Летните олимписки игри, се "терапија" која наводно го подобрува протокот на крвта. Во реалност, станува збор за надрилекарство чиј единствен резултат е згрутчување на крвта.
2011-та, Обама е пред крајот на својот мандат а Доналд Трамп е еден од најголемите кловнови на телевизија, кој се заканува дека ќе стане претседател на САД. Без разлика на сличностите, 2011-та е и никој не го сфаќа посебно сериозно, дури ни самиот тој, па решава да се појави на Комеди Централ.
Самиот Стивен Колбер признава дека најголемиот проблем што го има со Трамп е што едноставно не може да го пофатиш човекот, таман за едно се избламирал, не поминал ни ден, прави нова глупост. На пример во вторникот избрка бебе (вистинско, автентично, оригинално човечко бебе) од прес-конференција, во средата изјави дека Хилари е основач на ИСИС. И така, веќе година и кусур.
Два дена по ред насловната на Њујорк пост (инаку поддржувачи на Трамп) беше со "ексклузивни" угол голи фотографии од манекенските денови на Меланија Трамп, во тоа време Меланија Кнаус. Наспроти досегашната пракса, сето ова мина без карактеристичната поддршка и гнев, пишува Лизи Крокер во Дејли бист.
Анализирајќи го системот на претставничка демократија, Њујорк тајмс прави пресметка за тоа колку луѓе гласаа за Трамп и Клинтон да бидат двајцата кандидати од кои ќе се избира владетелот на Американците и пошироко.
Како ретко кој американски претседателски кандидат, посебно републиканец, Трамп има крајно мек став кон Русија и Путин, до толку што, без разлика дали свесно или не, како да наговести дека би можел да го признае Крим како руска територија.
Поранешен генерал на НАТО, заменик командант на Алијансата за Европа, на широко разработува сценарио налик Украина 2014, само што наместо некаде далеку се случува на западната граница на Русија, додека во исто време клучната членка е под власт на Трамп.
Сандерс едвај ги смири гневните фанови, Мишел Обама одржа говор за во учебници по ораторство, исвиркана беше и Елизабет Ворен. Настапи Пол Сајмон (инаку фан на Берни), чија изведба на Bridge Over Troubled Water беше доста неубедлива па твитерџии искоментираа дека "Русите и него го хакнале". Епилог: Хилари е кандидатот на Демократите кој ќе треба да смисли начин како да го сопре Трамп.
Да можеа од кауч да гласаат оние кои дома играат Икс Бокс или Плејстејшн, ќе победеше Хилари, вели филмаџијата Мајкл Мур и додава: Бидејќи не можат изговорете ги следниве зборови бидејќи ќе ги изговарате следните 4 години: ПРЕТСЕДАТЕЛОТ ТРАМП.