Мала, неизбрана група на директори на моќни гиганти, со секири влегуваат во просторот на слободниот говор и мисла а чирлидерки се прогресивни политичари. Што може да тргне наопаку?
Кога и по доаѓањето на Бајден останаа заглавени со проблемот со санкции од времето на Трамп, Хуавеи почнаа да бараат чаре на друго место, пример кај свињи.
Само од Трамп зависи дали пак ќе се кандидира во 2024, бидејќи ако реши Републиканската партија нема да има ниту против, ниту како да го запре, порачува Мит Ромни.
Вработените во неговиот хотел во Вашингтон имале „упатство за работа“ во која прецизно биле опишани седум чекори низ кои треба да мине омилената пијачка на Трамп за да дојде до неговата уста.
Иако застапник на ставот дека големите технолошки компании треба да преземаат мерки за елиминирање на „дезинформациите“ на нивните платформи, Бил Гејтс верува дека протерувањето на Трамп од Твитер не е соодветно, и дека треба да се зборува за тоа.
На 11 февруари 2011 по 18 денови протести, генералот Хосни Мубарак, египетскиот диктатор кој владееше три децении, беше присилен да ја предаде власта. Илјадниците луѓе што се собраа на плоштадот Тахрир, кој беше центарот на египетската Арапска пролет, беа пресреќни. Сепак, десет години подоцна, режимот изгледа посилен од кога и да е.
Бижутериски активизам, вооружено незнаење, лов на вештерки, напувано морализирање. Зачната во некогашниот „прогон на Црвените“ кога во име на антикомунизмот беа „откажани“ илјадници луѓе, „кансел културата“ служи за да ги одврати луѓето од согледување на вистинските системски проблеми. Наместо тоа, да се занимаваат со банални политички некоректности.
Во рафалното укинување на одлуките на претходниот претседател, Бајден беше крајно внимателен која од извршните наредби на Трамп што спречува влегување на мигранти во САД или дозволува нивно депортирање во Мексико ќе му заврши под пенкалото.
Злонамерниците ќе се обидат да ги заобиколат образованието, интелигенцијата, амбициозноста и искуството на брачниот пар Иванка и Џаред кога ќе ги дискутираат 640-те милиони што ги заработиле за време на претседателскиот мандат на Трамп, и нема да згрешат.
Кога Доналд Трамп еднострано го откажа договорот со Иран и на таа земја ѝ зачука нови санкции, неговите политички противници тоа бучно и едногласно го оценија како опасен, погрешен и безумен потег на лудиот американски претседател. Нормалниот Бајден сега вели дека нема да ги дигне санкциите.
Карипската комунистичка земја најавува дека ја отвора економијата за приватни бизниси и дека ќе останат само малку сектори кои ќе бидат резервирани исклучиво за државата.
Новата постава на Белата куќа најави дека ќе прави ревизија на досегашниот тек на американско-кинеските трговски односи кои ги физиономираше Доналд Трамп кој Кина ја безецираше како клучен архи-непријател. Според бројките кои и сега се достапни, тешко дека во ќитапите ќе најдат нешто друго освен фијаско.
„Кутар Џастин Трудо. На канадскиот премиер мора да му беше огромно олеснување што конечно се раатисал од Доналд Трамп, само за да дочека да сфати дека еден од приоритетите на Џо Бајден е да им порача на Канаѓаните да одат да јадат гурабии“, пишува колумнист на Бостон Хералд.
Фактот дека медиумските стручњаци и репортери го предводат санитизирањето на сè што е различно и создаваат култура на едноумие е неверојатно морничав. Лошо е што довербата во медиумите е намалена, но уште полошо е што многумина од новинарската фела сметаат дека тоа воопшто не претставува никаков проблем.
Просторот на слобода некогаш беше заедничко и јавно добро, комунална катастарска единица. Тоа јавно добро денес е приватна парцела. Но, ако целата слобода на нашиот свет е тој тесен прозорец за 280 карактери на Твитер, јас, благодарам за понудата, од таа слобода со радост се отпишувам.
Може Меркел е алергична на сè што е поврзано со Трамп, ама тоа некако не важи и за терапијата која за неколку дена го крена поранешниот американски претседател од ковид-19 и го врати назад во претседателската кампања.
Основачот на Викиликс не влезе ни во последната листа на помилувања која Доналд Трамп ја достави за извршување пред да ја напушти функцијаta. Помилувани се советници, донатори, рапери, но не и Џулијан Асанж. Помилување не доби ни нашиот Тајгер Кинг.
Вашингтон пост педантно прегледува стотици видеа, пораки и постови од упадот во Капитол на 6 јануари, и успева целиот тој хаос да го подреди под хронолошка линија, за да се има претстава што, каде и кога се случувало во центарот на американската власт.
Oва е Џек ес цивилизација, време на имбецили. Светската револуција ќе ја водат оние пророци - ќе се сетите на тие пациенти - кои во нашиот век стоеја на дрвени гајби за банани, со транспарент “Подгответе се, крајот е блиску!'
Трамп се покажа како кукавица а неговите приврзаници, ако навистина им е до каузата, би требалко да гласаат за Сандерс, оценува словенечкиот филозоф. „Да се надеваме дека она што се случи на шести јануари во Вашингтон ќе стави крај барем на бесрамното испраќање американски набљудувачи на избори во други земји за да ја оценуваат нивната правичност“, порачува Славој Жижек.
Еден од највоинствените лидери на Антифа бил човек кој ги палел и храбрел симпатизерите на Трамп кои упаднаа во Капитол. Иако и самиот објави видео од Капитол, уапсен е денови откако твитерџии го фатија како лабаво шета по улици. А за секој случај, го предал и брат му, што денес и во сталиново време е кул.