Луѓето треба да ја „прифатат реалноста“ дека Бајден е стар човек, и да го надминат тоа и да се фокусираат на поразување на Трамп, е пораката на Хилари Клинтон до сонародниците.
Американската разузнавачка агенција нелегално мобилизира странски шпионски агенции да ги следат советниците на Трамп многу пред летото 2016, и со тоа го започнува заговорот дека Трамп работи со Русија, објавуваат Мет Таиби, Мајлк Шеленбергер и Алекс Гутентаг.
Како што рускиот претседател се подготвува за втората годишнина од неговата војна против Украина, неговата самодоверба е тешко да се заобиколи, пишува во есејот за Вол стрит журнал поранешниот разузнавачки офицер од Националниот разузнавачки совет задолжен за Русија, Јуџин Румер.
Вашингтон пост објавува студија чиј заклучок е дека влијанието на руската операција на Твитер за време на претседателската трка меѓу Трамп и Хилари, било исклучително минимално.
Гледајќи по номиналната вредност, вчерашната размена на Бут за Грајнер за Русија се толкува како зделка паралелна на онаа во која САД ја купува Аљаска пред повеќе од 150 години.
Најдобро е во моментов да се укине Уставот на САД за да се поништат резултатите од претседателските избори 2020 и Доналд Трамп да се врати на власт во Белата куќа, препорачува Доналд Трамп.
Што подолго трае оваа прокси војна во Украина, толку поблиску САД доаѓа до директна конфронтација со Русија, а штом дојде до тоа, лесно е да се посегне по нуклеарките. Ако не верувате, посетете ги Хирошима и Нагасаки, градови кои немаа никаква воена важност а Јапонија веќе беше поразена. Беа уништени само за да се покаже сила.
Само што Бајден пролетоска изјави дека Путин не смее да остане на власт, во порака која Вашингтон пост ја нарече „најпркосна и агресивна изјава околу Русија на американски претседател од времето на Реган“, советниците на Бајден веднаш се впуштија во ублажување и повлекување на пораката, пишува некогашниот советник на Трамп за национална безбедност, Џон Болтон.
Една од работите што можеби и повеќе изненади од руската инвазија на Украина, е како децении благонаклоност и сервилност на Блискиот исток кон САД ги снема преку ноќ.
Како и сите други, и изненадувачки големо мнозинство од демократите, побарале истрага против Хилари Клинтон, на анкета правена дури и пред да се објави последниот извештај на Дурам за Хилари и хакирањето на Трамп.
Во обид да се извади конекција меѓу Трамп и Русија, кампањата на Хилари ангажирала и платила американски ИТ експерти за хакирање и следење на серверите што ги користи Доналд Трамп, прво во кулата Трамп (каде што е неговата канцеларија) а потоа и во Белата куќа.
Првата година на Бајден на власт заврши како и што почна, со САД со сериозни кризи на повеќе фронтови. Пролетта 2021, проблемите на САД беа руски сили на границата со Украина, и кинески во близина на Тајван. На почетокот од 2022, Русија има уште повеќе сили на границата, Кина продолжува да маневрира околу Тајван, а во игра се врати и Иран.
Под наслов кој личи како да е напишан со многу адвокатски надзор „Документите од Кремљ изгледа дека го покажуваат планот на Путин да го стави Трамп во Белата куќа,“ Гардијан објавува дека стигнал до документи кои покажуваат дека Русија водела операција за мешање во американската демократија.
По 4 години штимање на своите равенки за да не им се повтори резилот од претходните избори, во 2020 анкетарите повторно утнаа околу бројот на гласови што Трамп ќе го освои на изборите.
Да, Трамп изгуби на изборите, ама... во поразот успеа да собере повеќе гласови отколку кој било друг претседател во историјата на САД, а таму каде што Бајден победи разликата главно беше маргинална, и сето ова по 4 години Трамп и катастрофално справување со ковид-19 пандемијата.
За време на кампањата 2016 Трамп инсистираше дека ретко, ако и воопшто, ќе игра голф доколку стане претседател, затоа што едноставно ќе биде презафатен со работа. За време на 4-те години мандат, Трамп ретко кога пропушти шанса да биде на голф терен. Во саботата, таму и ја дозна веста дека Бајден е следниот претседател на САД.
Во 11:25 по источно време (17:25 по македонско), Асошиејтед прес објави дека Бајден победил во Пенсилванија, и со тоа дека ги освојува и изборите во САД.
Увереноста со која анкетарите зборуваа за брза и голема победа на Бајден беше поголема и од дебаклот во 2016 кога Хилари уште во септември ја гледаа како победник. Откако четири години ги прочистуваа и унапредуваа своите методологии, анкетарите годинава се колнеа во три работи: лесна победа на Бајден, преземање на Сенатот од демократите и зголемување на нивната предност во Претставничкиот дом. Ништо од ова не се случи, плус им се намали предноста во Претставничкиот дом.
Се работи за првите 10 месеци од годината, а парите што ги имаат потрошено само на Фејсбук се два пати поголеми во споредба со буџетот од 2016 потрошен на истата социјална мрежа. Една четвртина од овие пари е потрошена само во октомври.
22-ри октомври е третата (технички втора) и последна дебата меѓу Трамп и Бајден пред американските претседателски избори во ноември, а со тоа е и последна шанса за двајцата да се покажат барем пред своите кога и онака никој не се обидува да ги придобие тие од карши.
Ноемвриските избори треба да бидат одложени бидејќи зголемениот обем на гласови преку пошта може да доведе до измама и неточни резултати, порача американскиот претседател.
Ако на некого му кажеш - Пред тебе има порција со измет, и ти треба да изедеш само една половина, а не целото, тоа и понатаму е порција измет, го сумира поранешната ко-претседателка на кампањата на Берни Сандерс изборот што Американците го имаат во ноември.