Американската влада го објави извештајот за несреќното повлекување на САД од Авганистан, во петокот пред продолжениот викенд за 4-ти јули, со крајно либерално користење на правото за цензурирање.
Вашингтон пост објавува студија чиј заклучок е дека влијанието на руската операција на Твитер за време на претседателската трка меѓу Трамп и Хилари, било исклучително минимално.
Како што одминува првиот мандат на американскиот претседател така прес-конференциите со него (и екипата од Белата куќа) се повеќе добиваат на забавност и возбуда, а се помалку на информативност. Се на се брифингот од Белата куќа е станат спектакл како кечери.
„Пазете што посакувате, да не ви се оствари“, им порачува Ролинг Стоун на читателите кои горат од желба Трамп некако да го снема од Белата куќа. Во тој случај, на негово место ќе дојде нешто бетер - актуелниот потпретседател Мајк Пенс. И тоа можеби на 10 години.
29-годишната Мариа Бутина која пред неколку недели беше уапсена во САД под обвинение дека е руски шпион кој се обидува да се инфилтрира во републиканските кругови, сама на пијано се има издадено дека е руски шпион, и тоа не еднаш туку неколку пати. Со други зборови Русите во САД распоредуваат шпион кој не држи алкохол и кој не молчи за својата задача.
Во деновите по изборната победа против Хилари, Марк Закерберг лично му се јавува на Трамп за да му честита на него и на неговата кампања на победата, која потроши милиони долари на рекламирање на Фејсбук. Базфид објавува дека приватниот разговор е „само еден од серијата приватна поддршка на вработени на Фејсбук за начинот на кој кампањата на Трамп ја употребува платформата.“
Новинарката на Њујорк тајмс Ејми Чозик објави книга во која пишува за своето искуство од двете претседателски кампањи на Хилари Клинтон, посебно осврнувајќи се на тоа дали медиумите, вклучувајќи се и самата себе, придонеле за рушење на стандардите.
Њујорк тајмс има подготвено издание со наслов „Мадам претседател“ кој треба да биде испишан по цела ширина на насловната, за дента по претседателските избори во САД, пишува во својата нова книга новинарката на Тајмс, Ејми Чозик.
Сè што организирано е против Трамп не може да дочека конечно да се докаже целата афера околу руското мешање во американските избори и победата на Трамп, нешто што исто така може да се толкува како колективен мелем за стравот и паниките од времето во кое се најдоа и сите промени што се случуваат. Исто така веројатно е и дека е претерано со доделувањето супермоќи на Путин и неговата способност за глобален куклар.
Како ретко кога од распаѓањето на СССР, годинава главна вест во САД беше „Русија“, и отприлика тука завршуваат сите сличности околу тоа кој како ја разбрал темава.
Рускиот претседател успеа да убеди голем број од Американците дека е манипулативен гениј, а всушност тој е само коцкар на кој му се падна голема премија, пишува Џулија Иофи во текстот за Атлантик.
Тазе признанието на рускиот хакер дека ги украл мејловите на Хилари по наредба на Москва, следува само неколку месеци откако американските медиуми објавија дека руски хакер одбил да прифати пари, државјанство и стан во САД, во замена за преземање на одговорноста хакирањето.
Наративот кој следуваше и стана општоприфатен по неочекуваната победа на Трамп на изборите 2016 е дека таа се должи на лажните вести, во добар дел создадени од руски извори, а разгласени и раширени од Фејсбук и Твитер, беа прегледани милиони пати од делот на гласачите кои сакаа да чујат за недоверливоста и одбивноста на Хилари Клинтон. Ваквата смеса потоа само беше распламтувана од новинските сајтови на алт-десницата, во голем дел благодарејќи на информативните балони во кои Американците успеаа да се затворат.
На 26-ти октомври се паѓа роденденот на Хилари Клинтон, а минатата година се поклопи тој ден да биде во пикот на крвничката претседателска трка меѓу Хилари и Трамп. Пред една година, во време на ваква битка и од гледна точка на тогашната галама создадена од меинстрим медиумите, скоро и да немаше човек кој не би застанал зад овој твит на Хилари.
Владетелот на Америка на заминување во последните денови од својот мандат напиша писмо до својот наследник, го превитка и го запечати во коверт адресиран до „Господинот Претседател“. Кратко по инаугурацијата Трамп изјави дека Обама му оставил писмо, ама дека содржината нема да ја сподели со медиумите. Ја сподели.
Во Америка е, кај ќе биде :) Сè уште не може да го поднесе Трамп но деновиве мора по медиуми да чита како токму неговите гласачи биле клучни за победата на цепаницата.
Од почетокот на мандатот на администрацијата секојдневно се подготвува специјална папка, која на претседателот му се испорачува на две рати. Првото пакетче е спремно во 9 и 30, а второто во 16:30, и во просек во нив има од 20 до 25 страници со вести.
Иако е премногу далеку и е малку веројатно, ваквата замисла неодоливо потсетува на средината на 2015, кога Трамп прв пат објави дека се кандидира за претседател, а и левите и десните се спрдачеа со него и замислуваа како би изгледала таа Америка чиј претседател е поранешен водител на реално шоу и сеопфатен кловн.
Сведочењето на поранешниот секретар за домашна безбедност Џеј Џонсон треба да го обезбеди дефинитивниот крај на "Русија ги хакна изборите" хистеријата. Штета што ни требаше толку време за да стигнеме до тука, пишува уредничкиот борд на Њујорк пост во својот едиторијал.
Кривицата за неуспехот на Хилари да порази сенилен ТВ водител, според Демократската партија, паѓа комплетно на Русија, сиромашните белци, Берни Сандерс, и.тн. Кривицата никако не паѓа на тоа што нејзината кампања страда од исти пропусти како и во 2008: дезорганизиран кадар кој се мачи да дефинира јасна и убедлива порака за нивниот невозбудлив кандидат од естаблишментот.
Нешто налик секој добар филм околу Студената војна, Трамп на своето биро во Белата куќа има инсталирано црвено копче. Нешто налик Симпсонови стискањето на копчето активира - носење Кока-кола.
Не е за турско, туку за јако црно еспресо, кое треба да им помогне на новинарите кои известуваат од кабинетот на претседателот да останат будни и концентрирани во борбата за вистината. За некои од нашите може рачно цедалче за лимун ќе заврши повеќе работа.
Хилари Клинтон со изборен пораз ја плати цената што се полакоми по парите на Голдман Сакс, најомразената американска компанија и синоним за злото на Вол Стрит. А сега Доналд Трамп рекордно ја накрцка Белата куќа со кадри од таа компанија.