Не знаеме дали е ова нормално или не, а можеби е нормално штом влегува во оквирот на балканскиот фудбал. Иако ова е класична вест адекватна за селски фудбал, а не за играч од клуб кој игра и во Лига на шампиони.
Што куцање имаме удрено од март 2012-та до сега на сајтов, што веќе не ни знаеме и нема шанси да запаметиме каков мастраф држиме во архива. Што ни е поентата? Па со генералниот секретар на КОНИФА сме правеле интервју и пред неполни шест години, ама кој да памти.
По тешки и исцрпувачки шест месеци, познатиот бразилски напаѓач кој играше во Реал, го напушта романскиот фудбал. Клубот му се заблагодари за неговиот придонес кој се состои од неверојатни 43 минути, како и ќорав постигнал гол.
Се најдоа двајца другари од порано, со добронамерна цел да го спасат клубот од очај по барање на едниот. Арно ама овој што побара помош го набркаа бидејќи губеше од кој стигне, а другиот се заеба и стана Офсајд лик на неделата.
Аргентинците и генерално Јужно-американците се познати по страста кон фудбалот. Не прашуваат колку чинат патувањата за да го бодрат омилениот клуб. Така околу 10.000 навивачи на Ривер Плата од целиот свет допатуваа во Осака, каде се игра Светското клупско првенство.
Овој пат како што е пракса во нашата омилена рубрика нема да влезе играч, туку судија кој го даде најнеочекуваниот црвен картон во историјата на фудбалот.
Директорот на стадионот на Динамо Киев го предложи најглупавото можно решение за борба против расизмот. Затоа ќе му направиме место во нашата рубрика каде скоро влезе Маурицио поради тоа што најмногу придонесува во Лацио со жолти и црвени картони.
Кога на 21 јануари годинава, Лацио го потпиша бразилскиот дефанзивец од Спортинг, мислеше дека ќе добие засилување. Маурицио точно е дека е силен, но силата ја користи за ќотек кој ако вака го користи и во иднина ќе стане рекордер со црвени картони.
Се мислевме дали да го сместиме во рубриката Офсајд лик, заради тоа што за приватни работи се фали по социјални мрежи, но сепак делата на младичот се на место, а за тоа доби пофалби и на БиБиСи.
Некои тренери се лутат кога играчите изведуваат акробации откако ќе постигнат гол, како Мартинс кога прави салто како гимнастичар. Други трчаат спринт и се качуваат по огради. Ризикот не е многу голем, само може да паднат 20 навивачи, некој да скрши нога и да не игра два месеци.
Одигра 181 натпревар за тимот од „Олд Трафорд“, а сумата која ја платија Црвените ѓаволи за него ветуваше дека ќе добијат екстра засилување во среден ред. Сега има 26 години и се наоѓа во зенитот од кариерата, но по само половина час игра побара замена.
Поранешниот славен судија кој ФИФА шест години го прогласуваше за најдобар во светот смета дека правилата за офсајд, играњето со рака и тројната казна во случај на црвен картон од последен играч во одбрана, може да претрпат измени.
Го избравме офсајд ликот на годината, го добивме шампионот на Типстер на полусезоната, но како машка спортска редакција нешто ни фали. Грев е да се избере само една, но ние се одлучивме на онаа која е најблиска со фаворитот на „Златната топка" Кристијано Роналдо. Среќна нова.
Во 2013-та имавме офсајд ликови на денот и на неделата, а неколку од нив заслужија да го добијат и годишното признание, но ние се одлучивме за Винсент Тан, еден од најомразените и дефинитивно најлошо облечен човек во фудбалот.
Делителите на правдата во последниве 12 месеци беа мета на камерите во разни бизарни ситуации. Јадеа ќотек, клоцаа фудбалери, бркаа маскоти, судеа пијани. Се потрудивме да ги собереме на едно место најинтересните кои заслужуваат да влезат во нашата посебна рубрика на офсајд ликови.
Пред неколку дена во оваа наша рубрика го сместивме белгискиот фудбалер на кој ако му згазиш на зглоб ќе ти нанесе уште поголема болка, но сега имаме некултурен играч од руското првенство кој плука по судии.
Фудбалерот на Стандард дефинитивно овој викенд заслужи да влезе во нашата рубрика офсајд лик. На натпревар од белгиското првенство тој беше жртва на најгрдите фаули, но за скршеницата на зглобот одговори дрско за што доби црвен картон.
Овој случај не е трагичен како оној со голманот од Уругвај кој ја заврши кариерата затоа што по грешка си ги исече прстите, туку е глупав, а актер е фудбалерот од Арсенал кој на дербито против Манчестер Јунајтед го прекршил правилото за носење дресови.
Денешниот наш офсајд лик не е спортист, туку тоа е тапанарот на Ред Хот Чили Пеперс кој испровоцира навивачи и се покаја. Чад Смит го навлече гневот на навивачите на бразилскиот клуб Фламенго, па по смртните закани мораше да ги моли за прошка и да им се извинува на 1001 начин.
Приказнава не е за фаќање сеир, ама на голманот кој е принуден да се пензионира откако по грешка сам си пресекол четири прста со циркулар, како за утеха мора да му го дадеме нашето признание за офсајд лик.
Спортскиот директор на Њукасл, Џо Кинер дава максимум од себе за да стане најомразената личност во фудбалот. Тој заслужено го доби нашето признание за офсајд лик откако сакал да купи играч кој веќе е член на Њукасл.