Се вели дека домашни гости се како мртва риба: после третиот ден почнуваат да мирисаат. Меркел веќе отслужи 11 години како канцеларка, иако уште на 8-та година таа ја изгуби популарноста. И сепак таа останува единствениот разумен избор за работата. Никој друг не може да ја спречи имплозијата Западот.
Корнел Вест е тешкаш во американското интелектуално миље. Еден од ретките отворени социјалисти и исто така еден од ретките црнци кои го имаат критикувано Обама (Амди би му претскажал многу пари и среќа). "Збогување со американскиот либеризам. Ова е нова ера," е насловот на неговата последна колумна за Гардијан. Бонус: човекот бил во Матриксот.
Обезбедувањето на Трамп додека е во Њујорк и чека да биде инаугуриран за претседател, ги чини градските власти нешто над 1 милион долари дневно. Добра вест за буџетот на градот е што за неполни 3 месеци Трамп се сели во Вашингтон. Лоша вест е што Меланија нема да оди со него.
Започнал од заебанција и и полека се навлекол на фрапантниот успех кој ги постигнале неговите лажни вести. Уште не е сигурен дали поглупи се алгоритмите на социјални мрежи или луѓето. Ќе да е второво.
"Јас не сум бел националист, јас сум националист. Економски националист", вели Стив Бенон, креаторот на победничката кампања на Трамп кој уште сега се смета за вториот најмоќен човек во поставата на идната Бела куќа. Човекот има пари направено со помош на истите оние кои ја поддржаа наизменичната струја на Тесла.
Словенечкиот филозоф вели дека победата на Трамп е добра работа затоа што може да биде аларм за будење на заспаното општество и особено либералната елита која има изгубено допир со реалноста. И се чуди како Хилари мислеше да победи со коалиција во која ќе бидат и Вол Стрит и Окупирај го Вол Стрит.
Човекот кој пред 4 години ја предвиде руската интервенција во Украина, сега вели дека следни се балтичките земји и дека тоа ќе биде најголемиот предизвик на новиот американски претседател. Само, да не очекува дека тоа ќе биде класична воена интервенција на Русите.
Вработените во протокол во кабинетот на Тереза Меј останале подзинати од поканата што Трамп по победата ѝ ја испратил на премиерката, која со целата своја дипломатска протколарност гласела: „Кажи ако доаѓаш накај САД“.
Кога на почетокот на годинава беа укинати авторските права на книгата на Хитлер, беше издадена ново, анотирано издание, кое веднаш стана бестселер. Сега тоа доби и значајна академска награда во Германија. Тајмингот, велат, не можел да биде подобар.
„Еве што точно треба да направиме за да го спасиме нашето прекрасно општество. Информацијата што ви ја нудиме е онаа на којашто сите чекавме. Правејќи вака можеме на денот на инаугурацијата да го прогласиме Берни за претседател, наместо Трамп. Прочитајте го текстот и споделете со пријатели.“.
Меѓу клишеата што заслужуваат да бидат исфрлени по последните претседателски избори во САД е идејата за "женски глас", пишува Хедер Хурлбурт, поранешна функционерка во Белата куќа, Стејт Департманот и американскиот Конгрес.
Самата Хилари верува дека за поразот е виновен Џејмс Коуми, директорот на ФБИ кој на само неколку дена пред изборите го извести Конгресот дека повторно ја отвора постапката против неа. Според луѓето од нејзината кампања причината е "збир неконтролирани ветрови во гради". Добар дел од демократите за ова ја обвинија нејзината кампања и стратегијата.
Професорот кој наспроти целиот анкетарски естаблишмент уште во најубавите месеци за Хилари (септември, октомври) непоколебливо тврдеше дека Трамп ќе победи на избори, има и продолжение на својата прогноза, според кое - републиканците ќе го соборат новиот Претседател.
Најголемиот шок во среда наутро го доживеа половината од Американците кои не можеа да веруваат во резултатите што никако не содејствува со она што се случуваше и зборуваше во нивниот свет. Излезе дека нивниот свет всушност бил она што Фејсбук мисли дека е нивен свет.
Рамката во која е точен насловот е дека ова "повеќе" временски се однесува на последниот квартал, а географски во споредба со американската нафтена индустрија, за сега уште не и парираат на глобалната.
Мајкл Сипли 12 години, од 2004 до јуни 2016, работи како уредник и новинар на Њујорк тајмс, по сето она што се случи со предвидувањата околу изборите, и неколку себе-осврти на уредниците на весникот неговиот став е дека грешката на Њујорк тајмс е што се однесува како светот да постои за Њујорк тајмс, а не обратно.
Постои гнев на обичниот народ кон статус-кво во политиката кој меинстрим политичките новинари едноставно не го разбираат, и за да биде болката поголема Трамп им се случува на медиумите само неколку месеци откако истите овие медиуми ја направија истата оваа грешка околу брегзит.
Милиони Американци во вторникот гласаа против, изразувајќи го своето остро противење на економскиот и политички систем што ги става богатите и корпоративните интереси пред нивните. Јас силно ја поддржував Хилари Клинтон и водев кампања во нејзина корист, и верував дека таа е вистинскиот избор на денот на изборите. Меѓутоа Доналд Трамп ја освои Белата куќа затоа што реториката на неговата кампања успешно се всади во многу реалниот и оправдан гнев, гнев што многу традиционални демократи го чувствуваат.
Не е дека имаме некаква друга претстава за Трамп. Трамп е егоистичен расист шовинист кој, во рационален свет, не би требало да има каква било власт. Ама па од друга страна, не би требала ни Хилари Клинтон.