После точно 2 години, три месеци и 20 дена, моторот на македонската фудбалска репрезентација Енис Барди синоќа постигна преубав погодок од слободен удар за Леванте во шпанскиот Кралски Куп.
Фантастичен кам бек на Енис Барди кој се врати на фудбалските терени по пауза од два и нешто месеци на маестрален начин. Ваљадолид поведе против Леванте во Купот на Шпанија, а македонскиот репрезентативец го израмни резултат по 10 минути ептен мангупски.
Нешто слабо го има со голови сезонава, ама кога ќе погоди тоа е голчиште. Втор гол на Енис Барди сезонава во шпанското првенство и повторно мајсторски, овој пат бомба за триумф на Леванте на гости против Гранада од 1:2.
Енис Барди вечерва за влакно не стана вториот македонскиот репрезентативец во историјата со гол директно од корнер. Артим Шаќири и даде на Англија во Саутемптон во 2002-ра, а на Дејвид Симан не знаеше што му се случува. Слична велемајсторија за малку не реализираше и членот на Леванте. Штета.
Македонскиот репрезентативец Енис Барди постигна гол во стилот на Меси во 24' минута од мечот против Реал Сосиедад кој неговиот Леванте го доби со 1:2.
Не за џабе го споредуваме голчиштево со наш човек, затоа што во шпанскиот фудбал токму Енис Барди знае вака да ја свитка. Во исчекување на неговото деби ремек дело за сезонава, да уживаме во она на Дани Парехо од Валенсија кој ги постигна конечните 1:1 во Мадрид.
По ремито против Словенија и Израел, македонската фудбалска репрезентација ја продолжува позитивната гостинска низа. Петте освоени бодови на гости нека бидат мотив плус и за реванш средбите против Полска и Австрија.
Супер прво полувреме за македонската фудбалска репрезентација. Веќе до 17-та минута разбиена е Летонија со два гола на гости. Елмас, Барди и Пандев одиграа акција со која ја извадија од колосек одбраната, а Барди испука бомба на прва.
Се избација со видео старо 8 години, ама на зарибана лента. На снимката Александар Трајковски и Анте Будимир, тогаш како македонско-хрватско дуо во Интер Запрешиќ, кое сега ќе биде нов тандем во Мајорка. Штосна идеја на шпанскиот прволигаш со довчерашните напаѓачи на Палермо и Кротоне.
Македонскиот репрезентативец се врати на подготовки во Леванте за да се спрема за сезоната број 3 во шпанското првенство. На пик го фати новинарот со кој тераше малку мајтап.
Ла Лига ги објави петте најјаки голчишта од слободен удар за сезоната 2018/2019. Сите се евроголови, ама има само еден победник кој се вика Енис Барди. Во сенка го стави и Меси кој држи трето место. Браво мајсториште.
Македонскиот репрезентативец Енис Барди синоќа го постигна третиот сезонски погодок за Леванте (12-ти откако е во Шпанија) и дефинитивно му обезбеди опстанок на својот клуб.
Снајперистот на Македонија и Леванте го нема во последно време со некој мајсторски гол од прекин. Ама и на другиве нешто не им оди, затоа тој држи една убава втора позиција, а првата е резервирана за Лионел Меси кој последно време ударите од 20-25 метри му се како пенали.
По триумфот над Летонија од 3:1, македонската фудбалска репрезентација одигра нерешено на гостувањето против Словенија со што стигнува до солидни 4 бода по првите две кола во квалификациите за ЕП 2020. Словенија - Македонија конечни 1:1.
Енис Барди не е оној истиот од минатата сезона во која постигна 9 голови, кој од кој поубав. За сега е само на бројка од еден на 17 настапи во Ла Лига. Синоќа Леванте загуби 1:0 од Леганес, а најзрелата и најубавата шанса ја имаше токму нашиот репрезентативец. Погледнете го ова, дриблинг ала Зидан и потоа мислиш ја скрши стативата. Штета.
Најголема македонска фудбалска колонија има во Словачка каде нашите момци играат сосема солидно. Покрај стандардните од Топ5 лигите, имаме претставници и во Романија, Израел, Швајцарија, Унгарија, Бугарија, Грција....
По играње со рака на нашиот репрезентативец, Реал Мадрид поведе од пенал со 0-1, домаќините потоа израмнија на 1-1 а до крајот клубот од престолнината доби непостоечки пенал за победа.
Пишаниот збор често останува од колено на колено и тешко се менува. Во многу земји фудбалскиот клуб кој некогаш царуваше во Европа е поврзан со цицачот кој го има на својот грб и амблем. Но во Шпанија ретко кој ги вика така.
Нема ден некој шпански спортски медиум да не напише збор-два за едно од најголемите откровенија во Ла Лига сезонава - младиот Енис Барди за кој бековите избегнуваат да прават фаул близу шеснаесетникот. Сега на ред дојде шпански Goal.es.
Македонскиот репрезентативец игра сјајна сезона а доказ за тоа е и новиот гол за Леванте во ремито со Еибар на гости 2-2. Ова е четврти гол за Барди во Примера.
Леванте има два порази по ред во шпанското фудбалско првенство, но и покрај тоа медиумите од уста не го вадат Барди. Со 3 гола од кои 2 мајсторски од слободен удар тој е најдобар стрелец во Ла Лига меѓу играчите од среден ред. Изборот е на Скај Спортс.
Снајперските удари на Енис Барди кој стана хит во Шпанија не се само дарба. На јутјуб се појави видео на кое се гледа како македонскиот репрезентативец тренирал слободни удари на мали голчиња. Ете што значи напорна работа. За сега во дресот на Леванте има постигнато вкупно 5.
Кога Леванте добива слободен удар, навивачите ги местат телефоните за снимање. По само пет минати кола во Ла Лига, Барди дочека публиката на Сиутат де Валенсија да грми како хор извикувајќи го неговото име. Неговата мајсторија од два навивачки агли.
Шпанските медиуми не штедат зборови за нашата гордост Енис Барди и пред и по синоќешниот дуел со Реал Сосиедад, а ние не паметиме ваков старт на македонски фудбалер во некоја од најсилните европски лиги. Само Ѕаѕа, Гомез и Меси имаат повеќе голови од него во Ла Лига.
На голманите во Шпанија веќе е и нормално да им се тресат нозете кога играат против Леванте, а на слободен удар се мести Енис Барди. Гол број 3 за македонскиот репрезентативец во Ла Лига и вкупно петти од слободен со се пријателските. Еден од колегите не сакаше да му дозволи да шутира. Чуму? Па најдобар е во тоа.