Били Гулд е голем фан на Балканот и чест гостин на неговите простори па неговата љубов дестилираше во логичен производ. На честите патувања по Србија наидувал на одлични локални ракии од слива кои потоа не успевал да ги најде па затоа решил да создаде своја. Се вика „Yebiga“ (како поинаку?) и се продава под традиционалниот слоган „Баба знае најдобро“.
Етикетата има дизајн на читуља а утопискиот идеал на Гулд е „Обединување на Балканот, голтка по голтка.“.
Здружен е со дестилерија од Србија, ракијата велат дека е врвна, има 43 степени, се прави од рачно берена чачанска слива и чиста изворска вода. Влегува во шише по 18 месечно одлежување во дабови буриња. За оние што се палат на рецензентски финеси, ракијата има „изразени ноти на боровина и овошје, лесно тело и долг финиш во кој се чувствува цитрус и ванила“ (јер јебеш шљивка ако не удри на ванила а утредента нежниот цитрус не те потсети каков гипс си се направил вечерта).
„Нема веќе скршени шишиња по куфери, нема веќе чекање бившата да се омажи или дедото да умре, сега секој ден можете да уживате во есенцијата на домашното совршенство,“ порачува новопечениот а препечен ракијаш.
На здравје, јебига.
п.с.И сајтот им лизга
