Најголем број од заборавените научници се жени, што е посебно важно затоа што 82% од биографиите на научници на Википедија се за мажи. Еден од критериумите за агрегирање на 40-те илјади научници кои недостасуваат е тие да имаат слична присутност во вестите како и оние за кои веќе има Википедија статии.
Ботот и студијата се дел од показната вежба на стартапот Пример за нивната експертиза во НЛП (natural language processing), посебна гранка на вештачката интелигенција која се занимава со разбирање и генерирање дигитален текст.
Освен што ги агрегира научниците, ботот пишува и драфт статии за нив. Еден од текстовите е за Тереза Вудраф, научничка за која нема статија во Википедија и покрај тоа што е списокот на „Највлијателни луѓе“ на Тајм магазинот во 2013. Нејзината работа вклучува и создавање на 3Д печатени функционални јајници за глувци.
Текстот што го генерира вештачката интелигенција за Вудраф е следниот (оставен е во оригинал заради автентичност):
Teresa K Woodruff is a reproductive scientist at Northwestern University. [1] She specializes in gynaecology and obstetrics. [2] She is a member of the Women ’s Health Research Institute. [1] Woodruff is a reproductive scientist and director of the Women’s Health Research Institute at Northwestern University’s Feinberg School of Medicine in Chicago. [3] She coined the term “oncofertility” in 2006, and she’s been at the center of the movement ever since. [4] Five years later, she succeeded: on March 28, the team announced the birth of Evatar, a miniature scale female reproductive tract made of human and mouse tissues. [5] Widely recognized for her work, she holds 10 U.S. patents, and was named in 2013 to Time magazine’s “Most Influential Persons” list. [6]
Иако од човечка перспектива текстот е базичен и во почетна фаза, од Пример (еден од преводите на primer е „буквар) објаснуваат дека тој е одличен „никулец статија“ врз основа на која може да се напише останатата биографија за Вудраф. Ботот за сега има напишано вакви текстови за 100 научници.
Освен индексирање и пишување текстови, планот е ботот да почне да алармира кога постојни Википедија записи не се апдејтувани со нови информации и настани од вестите.
