Темата на првиот Плејбој без голотија е Снапчат, што само се надоврзува на нивната мотивација околу укинување на голите сликите, приближување и привлекување на младата публика. Околу 45% од корисниците на Снапчат се меѓу 18 и 24 години. На насловната е моделот Сара Мекданиел, девојка која минатиот октомври се стекна со слава, откако нејзиниот Инстаграм профил беше промовиран од повеќе сајтови "за машка публика".
Њујорк Тајмс кои добија предвремена копија од изданието за март 2016, забележуваат дека и покрај промената што ја воведува Плејбој, во списанието и понатаму има голи жени кои се фотографирани на начин што стратешки ги крие експлицитните делови. Нивната оценка е дека сликите изгледаат поприродно, дека нема многу Фотошоп во нив и осветлувањето внимателно е поставено, за крајниот резултат да изгледа повеќе ноншалантен отколку позирање.
Магазинот задржува и дел од досегашните новинарски обележја, како интервјуата (овој пат со Рејчел Медоу), и есеј од норвешкиот писател Карл Уве Кнаусгорд.
На страна магазинот, Плејбој одлучи голотијата да ја тргне и од својата веб-страна. Според нивни бројки по ова сообраќајот им е зголемен за 400%.
