Не можеш многу да замериш на идеја за мафијашки филм кој ќе го прават Скорсезе, Де Ниро, Пачино, Пеши. Проблем е само што Де Ниро има 76, Ал Пачино 79, Џо Пеши 76 а Скорсезе сака да го покаже животот на нивните ликови во период од некои 50-тина години.
Се прави тоа, не дека е чудо, но пицајзли замерија дека резултатот не е најсјаен: на пример во сцената во која Ширан на Де Ниро тепа луѓе, во филмот тој е во доцните 20-ти години, ликот му е како на 50 години а се движи како човек на 70.
И пазете сега, Јутјубер, со слободен софтвер за дипфејк седнал и ги гибнал сцените и тоа сега навистина изгледа подобро. Вика дека работел сам и дека му требале само седум дена.
п.с. забелешките на оваа тема не се ништо во однос на едни коментари што случајно ги начекавме на македонски фејсбук пост; локални „зналци“ се беа собрале и со „авторитетна“ леснотија му препорачуваа на Скорсезе да го премонтира филмот или едноставно, да оди во пензија. Ама, таков е нашиот софтвер и тука нема поправање.
