Корисниците што учествуваа во тестот и понатаму можат да го гледаат бројот на лајкови што нивната фотка (или видео) ги имаат собрано, меѓутоа никој друг не може.
Намерата на Инстаграм е да ги натера луѓето „да се фокусираат на фотографиите и видеата што ги споделуваат, а не колку лајкови тие собрале“.
Компанијата допрва треба да објави колку било успешно криењето лајкови и како влијаело на навиките на корисниците. Она што ја наговестува потенцијалната успешност на проектот е што неделава Инстаграм експериментот го прошири на шест дополнителни држави (Ирска, Италија, Јапонија, Нов Зеланд, Бразил и Австралија).
Главната поента на сведоштвата од корисниците што ги собира Верџ е дека сега тие се „послободни да постираат што ќе посакаат, наместо само да се трудат да соберат повеќе лајкови.“
Истото што важи за регуларните корисници важи и за бизнис / креатор профилите, тие и понатаму можат да ги гледаат своите детални статистики, меѓутоа бројките не се достапни за публиката.
