Обвиненијата се за дела што Бојл ги извршил откако тој и неговото семејство минатиот октомври се вратија во Канада (едвај нешто повеќе од 2 месеца). Судот издал забрана за медиуми со која не се дозволува објавување на детали од првото сослушување.
Против 34-годишниот Канаѓанец има вкупно осум обвиненија за напад, две за сексуален напад, две за присилно затворање луѓе и едно за смртни закани.
Тогаш 29-годишниот Бојл и неговата сопруга Каитлан Колман беа заробени од Талибанците во октомври 2012, додека биле на прошетка низ Авганистан.
Откако се вратија во Канада, тие со себе имаа и 3 деца родени во заробеништво. Тогаш Бојл изјави дека нивното четврто дете било убиено, а неговата сопруга била силувана откако биле заробени од Талибанците. Неговите „домаќини“ тогаш ги отфрлија обвинувањата за силување и убиство.
Инаку, минатиот месец Бојл со своето семејство беше во Владата на Канада во посета на премиер Џастин Трудо.
