Тимот наводно е составен во 2017 по барање на МБС, а веќе во јуни 2018 тие толку биле зафатени со работа и спроведување задачи, што нивниот лидер побарал да им бидат исплатени бонуси пред крајот на минатогодишниот Рамадан.
Изворот на Њујорк тајмс наведува дека дневните активности на тимот вклучуваат киднапирање, притвор и измачување на саудиски свештеници, интелектуалци и активисти. Меѓу задолженијата било и насилно враќање на пребегнати Саудијци во други арапски држави.
Тајмс не објавува дали принцот го услишил нивното барање за бонус.
Саудиска Арабија и понатаму негира дека МБС бил вмешан во убиството на Кашоги, а според нивната верзија одлуката била донесена во моментот од самиот тим во конзулатот во Истанбул.
Сега 11 неидентификувани Саудијци се соочуваат со обвинение за убиство, а петмина можат да добијат смртна казна.
Американските разузнавачи тврдат дека имаат пресретнато комуникација од септември 2017 во која МБС изјавува дека ќе употреби „куршум“ против Кашоги.
