Домашно пилешко патé

Брзо, едноставно и вкусно!

Потребни состојки:

  • пушено пилешко 150 гр.
  • кремсир 50 гр.
  • сенф со цели зрна 20 гр.
  • путер 20 гр.
  • пињоли 10 гр.
  • тост лебчиња

Искрено, немам што многу да објаснувам за ова јадење. Се прави многу брзо. Јас го скоцкав на една седенка, бев и не бев гладна во исто време. Па си реков дај некое интересно мезенце набрзинка. На крај, излезе подобро од очекуваното. Сите ме сакаа, и јас си се сакав :)

Чекори за подготовка:

  1. Исецкајте го пилешкото на многу ситни коцки.
  2. Ставете го во еден сад и додадете го кремсирот и сенфот.
  3. Стопете го путерот, додадете го  и сé заедно убаво измешајте.
  4. Откако убаво ќе го измешате, сервирајте го убаво и декорирајте со пињолите. Додадете и малку рукола за да ги разбие боите и да освежи. Се разбира, не ги заборавајте тост лепчињата.

Типс:

Секогаш кога служите нешто слично како пињолите (орев, лешник..) запечети ги во сува тава за да ја пуштат нивната арома!
2 февруари 2016 - 21:32