Новак Ѓоковиќ за прв пат во историјата го победи Роџер Федерер на Роџерс Мастерс Купот во Монтереал, Канада во 2007-ма година. Се работи за третиот најстар турнир зад Вимблдон и УС Опен кој постои оd 1881-ва.
Од едната страна имаме страшен и неприкоснвен тенисер во врвна форма со 26 години и 5 од 5 на Вимблдон кој ги освојуваше од 2003-та до 2007-ма. Од другата страна 20 годишно момче со нова енергија, желно и мотивирано за докажување, токму против најдобриот.
Видеото трае само 9 минути. Велиме “само“, бидејќи пресекот од мечот се гледа во еден здив и штета што толку брзо завршува. Уште од тогаш се гледа какво к`не е Србинот, кој лавовски се бори за секој поен. Со форхенд за почит.
Победи 2:1 со тајбрејк во првиот и третиот сет, а по овој триумф Надал го нарече Новак идниот број 1 во свет. Зборовите на Шпанецот станаа вистина по само 4 години откако Ѓоковиќ се искачи на тронот во Вимблдон.
11 години после оваа битка статистиката покажува водство на Ѓоковиќ од 24:22 во сите нивни дуели и 9:6 на Гренд Слемовите.
А внимавајте на овој податок:
Досега Федерер е единствениот човек кој го победил Ѓоковиќ на сите четири Гренд Слем турнири, а исто така Ѓоковиќ е единствениот човек кој го победил Федерер на сите четири Гренд Слем турнири.
