Ние десет пати ја прочитавме веста и уште не може да поверуваме дека Диего Армандо Марадона лично ќе работи за белорускиот прволигаш Динамо Брест. Големиот Диего потпишал 3-годишен договор со клубот кој во Белорусија се смета за трет или четврт по реноме.
Првите шпекулации околу овој трансфер се случија минатиот викенд, но сите мислеа дека е зафрканција од тамошните сеирџии. Во меѓувреме работата стана сериозна откако спортскиот директор на клубот постирал дека „Диего станува вработен во клубот и дека после Светското 2018 ќе биде одговорен за стратешкиот развој на Динамо Брест“.
⚡ ДА, ДИЕГО С НАМИ! ⚡ #fcdb1960
— FC Dynamo Brest (@dynamobrest) May 15, 2018
Легендарный футболист Диего Армандо Марадона подписал трехлетний контракт с футбольным клубом "Динамо-Брест" и вступил в должность Председателя правления клуба. pic.twitter.com/H9WG8AfpBg
Најсмешно е што презентацијата на Марадона не била во градот Брест, туку во хотелот Emirates Palace во Абу Даби (ОАЕ). Но легендата ќе дојде и во Белорусија.
Динамо Брест во Белорусија се смета за клуб зад Бате Борисов и Динамо Минск. Неодамна во клубот влегол сопственикот на компанијата Sohra Overseas, милионерот Пол Даер иако прес-службата на Динамо соопштила дека тој веќе не е во клубот затоа што на крајот од 2017 ги продал акциите. Не се знае кој инвестира сега во клубот.
Динамо Брест сезонава го освоил Купот во Белорусија а во меѓувреме дошла нова менаџерска екипа на челсо со директорот Виктор Радков чијшто прв проект била реклама со Ерик Кантона.
