Во 36. коло од француската Лига 1, Лил со 1:0 го совлада Бордо и де-факто обезбеди место во групната фаза од Лигата на шампионите. На две кола пред крајот Лил има 72 бода, а вториот Лион има 66. И во случај на две победи на Лион а два порази на Лил, пак ситуацијата ќе биде иста зошто Лил има подобра гол разлика (+32 наспроти +18).
🎻 Quelques notes de violon... pic.twitter.com/N6dvqb3IZC
— LOSC (@losclive) May 12, 2019
Фудбалерите славеа и со навивачите по крајот од мечот:
LILLE OLYMPIQUE SPORTING CLUB... ALLEZ ALLEZ ! 🔴⚪️🔴⚪️ pic.twitter.com/ERgNxwf1A4
— LOSC (@losclive) May 12, 2019
Un équipe + un public = un club 🔴⚪️ pic.twitter.com/ipcujHs0EK
— LOSC (@losclive) May 12, 2019
Лил ќе игра во системот на Лигата на шампионите првпат после пет години. Во 2014 година испаднаа од Порто во квалификациите и играа во Лига Европа. А последен пат во групна фаза играа во сезоната 2012/2013. Тогаш беа последни во група со Баерн, Валенсија и БАТЕ.
Најпознати играчи од актуелниот состав на Лил се португалските браќа Жозе и Руи Фонте (првиот стана европско првак во 2016), 23-годишниот Французин Жонатан Бамба (12 гола во Лига 1), поранешниот шпиц на репрезентацијата на Франција и Челси, Лоик Реми (6 гола) и голманот Мајк Мењан благодарение на кој Лил прими само 30 гола цела сезона.
Тренер на Лил е Кристоф Галатје, кој дојде на крајот од 2017 наместо Марсело Бјелса кој замина ненадејно од клубот. Галатје прво го спаси Лил од испаѓање во првата сезона (2017), а синоќа прослави пласман во Лига на шампиони.
На прес конференцијата после мечот со Бордо играчите го полеваа со студена вода и така ја зголемија прославата:
LA conférence (ou plutôt la douche 🤣) de la saison pour le coach ! 🔥🥳🤩#LOSCFCGB pic.twitter.com/oF7HCRKZj7
— LOSC (@losclive) May 12, 2019
