Интересно, младиот Мерих Демирал кариерата ја почнал во своето родно место Карамурсел, па отишол во академијата на гигантот Фенербахче. Во 2016 година неочекувано се сели во португалскиот тим Алканенсе, а едно време игра и во Спортинг Б.
Следни тимови во кариерата му биле Аланјаспор и Сасуоло од каде во јули годинава дојде во шампионот на Италија.
За репрезентацијата на Турција дебитираше на 20 ноември 2018 година на пријателска против Украина. Од тогаш до денес ги одигра квалификациите за Евро 2020 на кое Турците се пласираа и на кое Демирал ќе ја предводи одбраната.
Merih’in dün Leverkusen’e karşı yaptığı şov: Böyle bir yeteneğe sahip olduğumuz için ülke olarak çok şanslıyız, Türkiye futbol tarihine başarılarıyla ve yeteneği ile geçecek umarım. Merih Demiral’ı 10 küsür sene daha izleyecek olmamız büyük şans. pic.twitter.com/XYkUqcFNXx
— Ali Can Kutlu (@AliCanK95) December 12, 2019
На шпекулациите дека Арсенал и Тотенхем се сериозно заинтересирани да го доведат во јануари, Демирал вели:
„Како и вие, и јас ги слушнав гласините, но како што кажав целта ми е да дадам 100% тука на секој натпревар и на секој тренинг. Се трудам и тоа е добро за мене, фокусиран сум само на Јуве, а мојот тим ќе одлучи што е најдобро за мене“.
Со оглед на тоа што најскапо платениот дефанзивец во историјата, Матијс Де Лихт не ги исполни очекувањата во целост, а Демирал се наметна од втор план, ништо чудно ако Јувентус реши да го планира Турчинот на долги патеки.
