Баш фрижидер. Тоа се купува сега - фрижидер за козметика, или убавина, како сакате. Обично е мини-варијанта, и сите битни фаци во светот на козметиката се колнат во изладен производ.
Не било само до финото чувство на ладна маска - корисно е на отечено лице да ставиш нешто ладно, па козметика од фрижидер и тоа како ќе биде поефикасна отколку нешто што стоело на собна температура.
Расте и популарноста на природната козметика и брендовите од оваа категорија често ги ставаат производите во помало пакување, а без употреба на хемиски презервативи, фрижидерот станува потреба, а не луксуз. Да не зборуваме колку разликите во температура (обична, па температура во тоалет после туширање) можат да го оштетат производот.
Е сега, не можело било кој мини-фрижидер: има специјално дизајнирани за оваа намена.
The Makeup Fridge е мал и компактен, со полици и џепче на вратата за маски. За жал, доаѓа во финки, пастелни бои, а распродаден беше за неколку секунди. Сепак, фрижидер баш и не ви треба за мејкап - повеќе е за производи за нега на кожа.
Кои производи треба да се чуваат во фрижидер?
Маски, спрејови за лице и серуми, на пример. Ќе бидат супер изладени, ќе помогнат со отечено лице, ќе го зголемат сјајот и ќе намалат отоци. Особено ќе бидат фини после темелен третман на козметичар, или ласер. Ролер за лице, како тие погоре споменатите од жад исто би бил супер после престој во фрижидер и ќе помогне со лимфна дренажа за поцврста кожа. Исто така, сè што има витамин Ц (нестабилна состојка) ќе помине добро на ладно.
Што не треба да се чува во фрижидер?
Шминка не мораме и може дури и да стане потешка за користење. Исто и масла и балзами можат да се одвојат, или да се стврднат во однос на текстурата, па подобро е да се чуваат на собна температура. Парфемите би сакале да бидат на темно и ладно, но фрижидерот може да им дојде премногу. Доволно е да се чуваат подалеку од сонце и не во бањата каде што им пречи топлата пареа.
И, би купиле?
