Assassin's Creed како основа за обнова на Нотр Дам

Драгоцениот објект изгоре, Макрон најави дека ќе го обноват за 5 години а преку ноќ од богатуни се најавија донации од преку 600 милиони евра (што покажува колку брзо можат безобразно богатите да решаваат светски проблеми, ако сакаат). За верна реконструкција на Нотрд Дам сега се појавува неочекувана помош: популарната игра Assassin's Creed. 

"Assassin's Creed Unity" се појави во 2014-та година, дејствието е сместено во Париз а клучниот објект околу кој се врти акцијата е Нотр Дам, катедралата која играчите треба да ја истражуваат и однадвор и одвнатре.

Серијата Assassin's Creed е позната по перфекционистичкото реконструирање на историски објекти а Јунити не е исклучок. На „градбата“ на виртуелната катедрала се потрошени 2 години.

„Работев и други работи но главниот ангажман се однесуваше на катедралата,“ вели Керолин Миусе, главниот артист на Убисофт која го водела проектот.

Со огромен и детален фото-материјал од Нотр Дам пред себе, заедно со други експерти за текстура, таа тие две години ги минала водејќи сметка секоја цигла во играта да е на своето место и да изгледа онака како што изгледа во оригинал.

Убисофт засега не кажуваат дали ќе ги понудат своите дитигални материјали од Катедралата на француската влада која ќе ја води реконструкцијата на објектот.

*******

Кровот на катедралата, после гаснењето на пожарот (снимено од пожарникар).

 

17 април 2019 - 15:25