Губењето време е добро за вас

Во многу наврати сме ја поттикнувале мрзата и денгубењето како животен стил кој забрзаниот апетит на капитализмот и глобализацијата го смета за природен непријател. За среќа, и на капитализмот му станува јасно дека магарето некогаш треба и да одмори, бидејќи и утре треба да биде товарено.  

Во денешниот забрзан ритам на живеење, многумина имаат проблем барем за момент да се тргнат од своите монитори и да најдат време за нешто поинакво, како прошетка, читање книга или највеличенствениот луксуз на денешницата- дремката.

Дури и кога ќе успеат во тоа, имаат чувство дека во меѓувреме нешто пропуштиле па ги мава подсвесна грижа на совест.

За среќа, се трупаат докази дека не-правењето ништо е всушност драгоцена состојка за еден исполнет живот. Тоа го потврдуваат и животите на продуктивните умови како што се Маркез, Дикенс или Дарвин кои оставиле зад себе монументални дела иако - или баш затоа што - знаеле да дигнат раце од работа.

„Губењето време е полнење на батериите и отплеткување на замрсените мисли“. Човек кој може да си дозволи да биде комплетно, величествено и гордо непродуктивен, тој ќе стори повеќе во својата работа отколку оној што е прегреан. А денгубењето и само по себе е ќеиф“, вели психологот Мајкл Гартриџ.

****

Види и:

Родени сме да бидеме мрзливи   

Дарвин не се утепувал од работа (па не мора ни ние)

Капитализмот сега бара од вас да бидете (малку) мрзливи

4 мај 2017 - 09:25