Гневот на конзервативците стана маркетинг алатка

Два масовно големи американски брендови Котонел (тоалет хартија) и Волмарт неодамна пуштија реклами во кои во главна улога се геј мажи. И ова го имаше очекуваниот ефект - не толку во зголемување на продажба, колку во напнување на конзервативците и целиот добредојден скандал кој следуваше по ова.

„Изгледа дека луѓето и на Волмарт и на Котонел сметаа на гневот на општествените конзервативци да ги исполни нивните бизнис цели. Ниту едно од видеата не беше во традиционалниот бродкаст модел, туку беше направено за социјалните медиуми. Па конзервативците не налетаа случајно на нив, туку тие беа алармирани за нивното појавување, најверојатно од самите компании,“ објаснува Куртис Спарер од Бошпар ПиАр.

Тој јасно нагласува дека веќе е воспоставен и „метод зад гневот“ кој го смета и јавниот гнев како дел од равенката за ширење на нивните кампањи. Сценариото речиси секогаш е фиксно:

1. Се потпираш на тоа дека конзервативците инстантно ќе реагираат на каква било про-ЛГБТ приказна.

2. Ова создава доволно контроверза за да ги заинтересира новинарите и тие да почнат да го покриваат истото.

3. Медиумите ги опфаќаат и двете страни на приказната и про и анти, додека истовремено името на брендот не престанува да се врти во целата таа драма.

Исто важи и за реклами со црнци, не христијани или слично кои би направиле или се познати по нешто што ги разгневува конзервативците.

5 март 2019 - 10:06