Зграпчи ја анкетата

Откако заради притисоци Вест ја тргна својата - троа глупа - анкета на тема "Која македонска водителка би го интервјуирала премиерот без гаќички?," во име на суштинската граѓанска потреба да се поставуваат прашања, ја преземаме палката и воведуваме наша анкета. Тема е: "Кој македонски новинар сакате да излезе со муда пред премиерот?".

Кандидати се:

* Драган Павловиќ Латас

* Драган Каранфиловски Бојс

* Миленко Неделковски

* Онa едно убаво големо куче што го имаше Миленко во студио

* Роберт Поповски

* Слободан Томиќ преку Скајп

* Борјан Јовановски

* Јанко Илковски

* Васко Ефтов

* Иван Исцелителот

* Сафет Бишевац

* Мирка Велиновска

п.с. Кандидатурата на Саше Паралитико е одбиена заради постоење сомневање дека наведениот може да помине на стандарден систематски преглед.

*************************

Како што гледате, во нашата анкета не постои можност за гласање. Ние ова го правиме само за да издејствуваме зголемување на притисокот, кој во последно време ни е страшно паднат, па се снеможуваме и кога гледаме тоалетоидни анкети и кога потоа читаме дека дури и за такви баналности се вршат притисоци, што ја прави атмоферата во која работиме и живееме непотребно напната.

Кој мисли дека треба да прецизираме дали изразот "со муда" е родов или журналистички - се зезнал. Ние имаме паметна публика.

2 февруари 2013 - 11:29