За две недели потрошени 8 милиони долари на реклами за импичментот на Трамп

Парите опфаќаат само закуп на простор за рекламирање, а не е и цената за нивно снимање или создавање, и за периодот од 14 дена ова му доаѓа повеќе од половина милион долари на ден.

Околу 75% од парите (6,23 милиони) доаѓаат од претседателската кампањата на Трамп за 2020 и од Републиканската партија. Процената е дека „републиканскиот естаблишмент сака импичментот да го претвори во политичка алатка која ќе ја сврти во сопствена корист“.

Во сумата се вклучени реклами на сите медиуми, вклучувајќи национални и локални телевизии, радио, дигитални и социјални медиуми.

Од друга страна, Демократите веруваат во импичментот со околу 2,1 милиони долари од своите пари.

Пред почетокот на истрагата околу импичментот (за сега се уште се во фаза дали има основа за импичмент), најголемата потрошувачка на реклами во кои се бара отказ за Трамп дојде од најголемата независна компанија за зачини во САД, Пензи спајсес. Во тоа време, Пензи спајсес потроши 92.000 долари само на Фејсбук реклами во кои се повикува импичмент на американскиот претседател.

14 октомври 2019 - 16:30